Úkimet basshysynyń orynbasary qyzmetin atqaryp kele jatqan Imanǵalı Nurǵalıulynyń qyzmetinen bosatylǵany habarlandy. 

Aqorda baspasóz qyzmetiniń habarlaýynsha, Imanǵalı Nurǵalıuly Qazaqstannyń Reseıdegi tótenshe jáne ókiletti elshisi qyzmetine taǵaıyndaldy.

Imanǵalı Nurǵalıuly Tasmaǵambetov 1956 jyly 9 jeltoqsanda Gýrev oblysy Mahambet aýdany Novobogat aýylynda dúnıege kelgen. 1979 jyly A.S. Pýshkın atyndaǵy Oral pedagogıkalyq ınstıtýtynyń jaratylystaný-geografıa fakúltetin bitirgen, geografıa jáne bıologıa pánderiniń muǵalimi. 

1981-1991 jyldar aralyǵynda KOKP múshesi. Qazaqstan Kompartıasy OK Saıası búrosynyń múshesi (1990-1991). QR Joǵarǵy Keńesi 12-shaqyrylymynyń depýtaty (LKJO).

1973-1974 jyldary - Gýrev oblysy Mahambet aýylyndaǵy balalar-jasóspirimderge arnalǵan sport mektebinde jattyqtyrýshy. 1979 jyldan - Gýrev oblysy Mahambet aýylyndaǵy orta mektepte geografıa jáne bıologıa pánderiniń muǵalimi. 1979 jyldan - Qazaqstan LKJO Mahambet aýdandyq komıtetiniń uıymdastyrý bóliminiń meńgerýshisi, komsomol jumysy kabınetiniń meńgerýshisi, Gýrev oblystyq komıtetiniń komsomol uıymdary bóliminiń meńgerýshisi. 1983 jyldan - Qazaqstan LKJO Gýrev qalalyq komıtetiniń birinshi hatshysy. 1985 jyldan - Qazaqstan Kompartıasy Gýrev qalalyq komıteti uıymdastyrý bóliminiń meńgerýshisi. 1986 jyldan - LKJO Gýrev oblystyq komıtetiniń birinshi hatshysy. 1988 jyldan - Qazaqstan LKJO OK jumysshy jastar jáne áleýmettik-ekonomıkalyq problemalar bólimderiniń meńgerýshisi, hatshysy. 1989 jyldan - Qazaqstan LKJO OK-niń birinshi hatshysy. 1991 jyldan - QR Jastar isi jónindegi memlekettik komıtetiniń tóraǵasy. 1993 jyldan - QR Prezıdentiniń kómekshisi. 1995 jyldan - QR Premer-mınıstriniń orynbasary. 1997 jyldan - QR Premer-mınıstriniń orynbasary - Bilim jáne mádenıet mınıstri. 1997 jyldan - QR Prezıdent Ákimshiligi Basshysynyń orynbasary, uıymdastyrý-baqylaý bóliminiń meńgerýshisi. 1998 jyldan - QR Prezıdentiniń Birinshi kómekshisi. 1999 jyldan - Atyraý oblysynyń ákimi. 2000 jyldan - QR Premer-mınıstriniń orynbasary. 2002 jyldan - QR Premer-mınıstri. 2003 jyldan - QR Memlekettik hatshysy. 2004 jyly QR Prezıdent Ákimshiliginiń Basshysy bolyp taǵaıyndaldy. 2004 jyldyń jeltoqsan aıynan 2008 jyldyń sáýirine deıin - Almaty qalasynyń ákimi. 2008-2014 jyldary - Astana qalasynyń ákimi. 2014 jyldyń qazan aıynda Qazaqstan Respýblıkasynyń Qorǵanys mınıstri bolyp taǵaıyndaldy. Al, 2016 jyldyń qyrkúıeginde QR Premer-mınıstriniń orynbasary bolǵan edi.

Qazaqstan Respýblıkasy Qaýipsizdik Keńesiniń múshesi. «Mádenı mura» memlekettik baǵdarlamasy qoǵamdyq keńesiniń tóraǵasy (2004-2006). UNESKO isteri jónindegi QR Ulttyq komısıasynyń tóraǵasy. Qazaqstan Respýblıkasynyń oqpen atý Federasıasynyń qurmetti prezıdenti. Á.H.Marǵulan atyndaǵy Halyqaralyq qordyń Basqarma Tóraǵasy. «14 tomdyq Á.H.Marǵulannyń shyǵarmalary» redkollegıasynyń múshesi. «Saıasat-Polıtıka» aı saıyn jaryq kóretin aqparattyq-saraptamalyq búlleteni redaksıalyq keńesiniń tóraǵasy. «Eýrazıalyq qaýymdastyq» toqsandyq ǵylymı jýrnalynyń redaksıalyq keńesiniń múshesi. Táýelsizdiktiń on jyldyǵyn atap ótý boıynsha, sondaı-aq IýNESKO kóleminde merekelengen qazaq mádenıeti men ǵylymynyń kórnekti qaıratkerleri: 1995 jyly - Abaı Qunanbaevtyń týǵanyna 150 jyl, 1996 jyly - Jambyl Jabaevtyń týǵanyna 150 jyl, 1997 jyly - Muhtar Áýezovtiń týǵanyna 100 jyl, 1997 jyly Qanysh Sátbaevtyń týǵanyna 100 jyl, 2002 jyly - Ǵabıt Músirepovtiń týǵanyna 100 jyl jáne 2004 jyly - Álkeı Marǵulannyń týǵanyna 100 jyl tolýyna arnalǵan mereıtoılardy ótkizý jónindegi Memlekettik komısıalarynyń tóraǵasy. Monǵolıaǵa, Batys Qazaqstanǵa jáne RF-nyń Astrahan oblysyna (Kaspıı: munaı jáne mádenı jáne t.b. jerlerge) Halyqaralyq mádenıettanýshylyq ekspedısıalardyń uıymdastyrýshysy. Solardyń biriniń nátıjesinde, 2000 jyly Monǵolıadan Qazaqstanǵa ejelgi Kúltegin tas haty kaıtaryldy. Fılosofıa ǵylymynyń kandıdaty. Kandıdattyq dısertasıa taqyryby - «Dúnıetaný aspektileriniń ekologıalyq problemasy» (1990). Saıasattaný ǵylymynyń doktory. Dısertasıa taqyryby - «Tranzıttik saıası júıelerindegi áleýmettik saıasat» (1997). «Qazaqstannyń áleýmettik-saıası jańarýy: úrdister men basymdyqtar» (1996), «Qazaqstan: memleket jáne qoǵam evolúsıasy» (1996), Qazaqstan Respýblıkasy Konstıtýsıasynyń Túsindirme sózdigi ujymynyń jetekshisi (1996); «Saıası transformasıa jáne qoǵamnyń ótpelilik problemasy» (1997), «Ortalyq Azıa zerger - sheberleriniń týyndylary» ılústrasıalyq álbomynyń avtory (1997), «Qazaqstan munaı-gaz óndirisine 100 jyl» (1999), Pekınnen Astanaǵa deıin: astanalardyń aýysý tarıhy» (2001), «Saraıshyq» (2002 j.), «Uly dala Kentavry» (2005j.) kitaptarynyń avtory. Áleýmettik-ekonomıkalyq damý jáne saıasattaný problemalary boıynsha birneshe ǵylymı eńbekter men maqalalardyń avtory. «Áleýmettik masyldyq saıasaty jáne memlekettilik daǵdarysy», «Áleýmettik saıasattyń tabıǵaty men tıpologıasy» (1997), «1996 jylǵy áleýmettik saladaǵy reformalaýdyń nátıjeleri jáne Qazaqstan Respýblıkasy Bilim jáne ǵylym mınıstrliginiń 1997 jylǵy negizgi basymdyqtary men mindetteri» (1997), «Áleýmettik salanyń shekteýli resýrstar jaǵdaıyndaǵy damý strategıasy» (1997), «Qazaqstan saıasattaný ensıklopedıasy» (1998), «Memlekettiń birinshi tulǵalary: tarıh pen qazirgi zaman turǵysyndaǵy saıası portretter» jınaǵy avtorlyq ujymynyń múshesi, bas redaktory (1998), «Atyraý oblysyndaǵy damýdyń qarjylyq problemalary» (1999).

«Parasat» ordeni (1998), Qazaqstan Respýblıkasynń birinshi Prezıdenti N.Á. Nazarbaevtyń ordeni (2004), Orys Pravoslav Shirkeýiniń «Máskeýlik Danııl qasıetti patshasynyń» ordeni, Reseı Federasıasynyń «Dostyq» ordenimen jáne II dárejeli «Barys» ordenimen (2010) marapattalǵan.