"Aǵaıyndy tórteý" qylmystyq tobynyń basshysy delingen Erkin İzbasar men osy atyshýly is boıynsha ustalǵan 14 adamnyń qamaýda ustaý merzimi 2017 jyldyń 7 naýryzyna deıin uzartyldy dep habarlaıdy tengrinews.kz. Bul týraly Aqtóbe oblystyq sotynyń baspasóz hatshysy Ilıada Dosova habarlady. Onyń aıtýynsha, munaı urlaý isi boıynsha taǵy 20 adam ustaldy, olardyń ishinde Belarýs azamaty da bar.

"A.Sársenov, Mańǵystaý oblysynyń týmasy; N.S.Noǵaev, 1979 jylǵy, Aqtóbede turady; "Tranzıtoıl grýpp" JSHS jumys isteıdi; Pirjanov, jumyssyz; Qalıev, Oral qalasynyń týmasy, jumyssyz; S.M.Ilásov, Soltústik Qazaqstan oblysynyń týmasy, jumyssyz; S.B.Júsipov, Aqtóbede turady, "Nurtorǵaı JLT" dırektory; E.Ý.Erketaev, 1984 jylǵyǵ Aqtóbede turady, "IP Erketaev" jeke kásipker; N.S.Qasenov, Aqtóbede turady, jumyssyz; B.K.Batyrov, 1969 jylǵy, Aqtóbe oblysynyń týmasy, Aqtóbede turady, jumyssyz; Kýnsevıch, 1973 jylǵy, Belarýs Respýblıkasy Mınsk oblysynyń týmasy, Almatyda turady,  "Inter Oıl Eksport" JSHS dırektorynyń orynbasary; R.V.Mıralın, 1991 jylǵy, Aqtóbe oblysynyń týmasy, jumyssyz; N.N.Qaıyrbaev, Aqtóbede turady, jumyssyz, V.V.Astahov, 1986 jylǵy, Aqtóbe oblysynyń týmasy, jumyssyz; A.S.Sarambetov, 1979 jylǵy, Aqtóbe oblysynyń týmasy, Orynbor oblysynda turady, jumyssyz", - dedi baspasóz hatshysy Ilıada Dosov.

Eske salaıyq, Erkin İzbasar Aqtóbedegi munaı bazasynyń terıtorıasynda iri arnaıy operasıa júrgen kúni Almatyda ustalǵan bolatyn. Uıymdasqan qylmystyq toptyń lıderimen birge onyń oqqaǵary men júrgizýshisi ustalǵan edi. Al keshe munaı urlaýmen aınalysqan qylmystyq toptyń jetekshisi Aqtóbege UQK ushaǵymen jetkizildi.