Tumaý jáne JRVI boıynsha epıdemıologıalyq jaǵdaı Qazaqstan Respýblıkasynyń aýmaǵynda búkil Eýropa óńirindegideı barlyq jerde tumaý jáne JRVI-dyń tirkelýi baıqalady dep habarlaıdy Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıtetiniń baspasóz hatshysy. 

Epıdemıalyq maýsym bastalǵannan beri  380 myńnan astam JRVI jaǵdaıy, onyń ishinde 1831 tumaý jaǵdaıy tirkeldi.

JRVI-men syrqattanǵan adamdardyń negizgi úlesin (65 %) 14 jasqa deıingi balalar quraıdy. Barlyq JRVI-men syrqattanǵandar ishinde oqýshylardyń úles salmaǵy 20%-dy, tumaýmen syrqattanǵandar ishinde 13%-dy qurady.

Ótken aptada búkil halyq boıynsha tumaý jáne JRVI-men syrqattanýshylyqtyń aptalyq epıdemıalyq deńgeıden artýy baıqalmaıdy.

Shuǵyl epıdemıaǵa qarsy is-sharalardy qabyldaý maqsatynda 1 jeltoqsannan bastap QR halqynyń jiti respıratorlyq vırýstyq ınfeksıalarmen jáne tumaýmen syrqattanýshylyǵynyń jaǵdaıyna jáne tumaý vırýsynyń aınalymyna kúndelikti monıtorıń júrgizildi.

Halyq toptary arasynda syrqattanýshylyq qurylymyn eskere otyryp jáne oqýshylar arasynda JRVI men tumaýmen syrqattanýdyń ósýin aldyn alý maqsatynda TQQK aýmaqtyq bólimshileriniń usynymdary boıynsha epıdmaýsymnan bastap bilim basqarmalary 26 tárbıeleý jáne bilim berý mekemelerinde oqý prosesi toqtatty, onyń 4-de oqý prosesi qaıta bastaldy.

Aqpan aıynda Soltústik-Qazaqstan jáne Shyǵys-Qazaqstan oblystarda 8 mektep jáne 3 mektepke deıingi mekeme tolyq jybyldy, jartylaı (jekelegen synyptarynda) oqý prosesi Soltústik Qazaqstan oblysynyń 11 mektebinde toqtatylǵan.

Anyqtama retinde. Reseı Federasıada Mektepke deıingi jastaǵy balalar jáne mektep oqýshylarynyń syrqattanýyn esepke alyp 58 sýbektide 2247 mektep, 44 sýbektide 398 bala baqsha, 17 sýbektide 71 mektep-ınternat, 10 sýbktide 74 kolej jáne 3 joǵary oqý oryn jabyldy, jartylaı 1210 mektepte 3959 synyp jáne 1135 mektepke deıingi mekemeniń 1726 toby, mektep-ınternattyń 5 synyp, 8 kolejiniń 74 toby jabyldy.