Kókshetaý qalasynda kósheler men adam kóp jınalatyn jerlerde beınebaqylaý júıeleri kóbeıedi. Bul týraly Kókshetaý q. ákimdigi, «Qazaqtelekom» AQ, jergilikti polısıa men qalalyq prokýratýra arasynda ótken oblys ortalyǵynyń qoǵamdyq qaýipsizdigi boıynsha jumys keńesi barysynda belgili boldy dep Aqmola oblysynyń ishki saıasat basqarmasynyń Óńirlik komýnıkasıalar qyzmeti habarlaıdy.

Quqyqbuzýshylyqtardyń aldy alý úshin beınebaqlaý kameralaryn alam kóp jınalatyn jerlerde jáne qalanyń  aýdandarynda qurýǵa usynyldy.

«Qazaqtelekom» AQ da bul másele jaıly óz pikirin bildirdi. Jyl basynan baılanys operatorlary oblys ortalyǵynyń kóptegen úılerinde beınebaqylaý júıesin testileýde. Kameralar stasıonarlyq kompúterden de, sonymen birge barlyq zamanaýı gadjetterden de aýladaǵy jáne baspaldaq alańynda bolyp jatqan jaıttardy shynaıy ýaqytta baqylaı alady. Shamamen sáýir aıynan bastap, jeke tulǵalardyń ótinishteri túse bastaǵan shaqtan turǵyn-úı nysandarynda jabdyqtardyń ornatylýy bastalady. Abonenttik tólem aıyna shamamen 400 teńgeni quraıdy.

Jergilikti polısıa óz kezeginde Kókshetaý q. 129 analogty jáne sıfrli kameralar qylmysty ashýdy jeńildetedi. Osylaı, 2016 jyly kameralardyń kómegimen 15 669 ákimshilik quqyqbuzýshylyq toqtatyldy, qala shetinde barlyǵy 120, «Qaýipsiz aýla» baǵdarlamasy boıynsha 14 qylmys ashyldy. Aǵymdy jylda taǵy bes kamera iske qosylady, qala aýmaǵy ósip kele jatqanyna qaraǵanda, árıne, bul kishkentaı kórsetkish.

Kókshetaý qalasynyń ákimi Ermek Marjyqpaev jergilikti polısıa qyzmetine qala prokýratýrasynyń kelisimi boıynsha qylmys kóp jasalatyn qala aýdandarynda beınebaqylaý kameralaryn ornatý oryndaryn anyqtaýǵa, TKSH bólimine «Qazaqtelekom» AQ usynysyn qarastyrýǵa, tapsyrma berip, polısısá qyzmetiniń adamı resýrstaryn jetildirýge osy sharanyń ózektiligine erekshe kóńil bóldi.