Parıj mańynda birneshe kúnnen beri narazylyq sharasy ótip jatyr dep habarlaıdy 24.kz. Oǵan polıseılerdiń ozbyrlyǵy sebep. Kóliktermen qoqys jáshikterin órtegen jastardy toqtatý úshin polıseıler arnaıy qural paıdalanyp, aýaǵa oq atqan. 30 belsendi ustaldy. One-sý-Býadaǵy oqıǵa sońy janjalǵa ákep soqtyrdy. Tártip saqshylary Teo esimdi azamatty quryqtaý kezinde kúsh qoldanyp, uryp soqqyǵa jyqqan. Nátıjesinde ol aýyr jaraqat alyp, aýrýhanaǵa tústi. Naýqastyń jaǵdaıyn bilý úshin el Prezıdenti Fransýa Ollandtyń ózi aýrýhanaǵa bardy. Oqıǵaǵa qatysy bar degen polıseılerge aıyp taǵylyp otyr.

Parıjdegi shý munymen bitpek emes. Fransıa astanasynda metroda joıqyn jarylys boldy. Jolaýshylar evakýasıalandy. Bul týraly Mirror agenttigi habarlady. Oqıǵa Italıa alańynyń mańynda bolǵan. Jarylysqa elektr qýatyndaǵy aqaýlar sebep boldy. Aldyn ala boljam boıynsha jarylystan 8 adam zardap shekti.