Birneshe adam kóz jumǵan Almaty Towers-tegi órtke qatysty tergeý amaldary aıaqtaldy. Qaıtys bolǵandardyń týystary  tergeý nátıjesimen kelispeı otyr. Olardyń oıynsha kinálilerdiń barlyǵy jaýapqa tartylmady dep habarlaıdy zakon.kz.

Órt kezinde kóz jumǵan úsh azamattyń týystarynyń advokaty Erlan Bekpolov tergeý organdary tolyq jáne ádil tekserý jumystaryn júrgizýge ýáde bergenin aıtady.
 

Jaqynda ǵana iske aralasqan advokat, bolǵan oqıǵadan keıin  Almaty Towers ákimshilgi qajetti órt sóndirý júıeleri birden iske qosylǵanyn jáne barlyq órt qaýipsizdik júıesi jumys istegenin aıtqanyn eske aldy. Alaıda ákimshiliktiń sózin joqqa shyǵaratyn vıdeo tabyldy.

 Erlan Bekpolov órt bolǵan kúni túsirilgen vıdeony jarıalady. Belgili bolǵandaı bolashaq batýt ortalyǵynda jumys isteıtinderge arnaıy trenıń ótken. Ol beıne kameraǵa túsirilgen. Sondyqtan órt  kameraǵa túsip qalǵan. Odan órt sóndirý júıesi de, dabyl qaǵý júıesi de iske qosylmaǵany kóre alasyzdar. Sol sebepti ondaǵy adamdar qaýipti sezbesten jaıbaraqat ǵımaratta júrgen.

«Bul vıdeo TJD órt qaýipsizdigi júıesi iske qosylǵany týraly aqparatyn joqqa shyǵaryp otyr» deıdi advokat.

Tergeýdiń málimetinshe 5 stýdent pen er adamnyń  ólimine tek batýtty ortalyqtyń dırektory Tuıaqov kináli bolyp otyrǵanyn eske aldy advokat.  

«Eger barlyǵyn anyqtap qaraıtyn bolsaq, ǵımaratty jalǵa alyp otyrǵandar men DTJ jumysshylaryna kóp suraqtar týyndaıdy. Sebebi olar barlyǵyn tekserip, óz baqylaýynda ustaý kerek edi» dedi Bekbolov.

Bul suraqtardy advokat tergeýge jetkizgisi keledi. İs materıalymen ol áli tanyspady. Sondyqtan qazir tekserý jumystary qanshalyqty tolyq júrgizilgeni beımálim  jáne tergeý organdarynda advokat usynyp otyrǵan beınematerıal bar, joǵy belgisiz.

Órt bolǵan ýaqyttan birneshe kún ótkennen keıin túsirilgen vıdeoda kóz jumǵan jigitterdiń ofıstegi baspaldaqpen shyǵýǵa talpynyp jatqanyn kórýge bolady. Iaǵnı buryn aıtylǵandaı apatty shyǵý esigi basqa jaǵynan qulyptalǵan. Eger bir esikti ashqannyń ózinde, ekinshisi esik arqyly stýdentter shyǵa almas edi.

Osy jaıttardy eskere otyra qaıtys bolǵandardyń týystarynyń advokatynda kompanıa basshylyǵyna, ǵımaratty jalǵa alǵandar men ǵımarattyń ákimshiligine  kóptegen suraqtary bar. Olardyń eshqaısysy jaýapkershilikke tartylmady.

«Kinálilerdi jazalaý úshin tolyq jáne ádil tekserý jumystaryn júrgizý kerek. Qutqarylǵan adamdar polıseıler men órt sóndirýshilerge joǵaryda adamdar bar ekenin aıtqan. Kóz jumǵandardyń ózderi telefon shalyp, olardy qutqarýyn suraǵan. Órt sóndirýshilerge suraq: Nelikten olar joǵaryǵa baryp, esikti syndyryp, jigitterdiń shyǵýyna kómektespedi? Birneshe adamdy jazalaý kerek. Ǵımarat ákimshiligin, tekserý júrgizýi qajet TJ Departamentin jaýapqa tartý kerek. Bul jerde kóp adamnyń kinási bar. Biz ádildik ornaǵanyn qalaımyz» deıdi advokat.

Kóz jumǵandardyń týystary basqa da kýágerlerdi izdestirip jatyr.