Jas jigit Býenos-Aırestegi Ulttyq kitaphanaǵa qaraı jol tartqanyn málimdedi.

Kanadalyq qala Torontonyń turǵyny Anton Pılıp 2012 jyly joǵalyp ketedi. Ony Amazonkanyń ormandarynan izdeı bastaıdy, dep habarlaıdy RIA Novostı.

Ol bes jyl boıy birde-bir qujatsyz jáne aqshasyz on memleketti jaıaý júrip ótken.

Jol boıyn kir kıimmen jalań aıaq kezgen adamdy brazılıalyq tártip saqshylary baıqap qalady. Alǵashynda er adamdy kedeı dep oılap qalady, alaıda polısıa onymen tildesip, onyń Kanadalyq ekenin anyqtaıdy. Odan keıin polısıa onyń aǵasymen baılanysady. Jigittiń týysqandary ony psıhıkalyq aýrýdyń saldarynan úıin tastap ketkenin aıtady.

Anyqtalǵandaı, Pılıp AQSH-tan ótip, Meksıkaǵa jetken. Gvatemalada bolyp, Kosta-Rıka, Panama, Kolýmbıa, Venesýela jáne Argentınany júrip ótken. Ol joldyń kóp bóligin jaıaý ótkergen. Arasynda ǵana jolaı ótip bara jatqan kólikterge otyrǵan. Jolda er adam jemis-jıdektermen tamaqtanyp, qalaǵa jetkende kıim taýyp, qoqystan tamaqtanǵan.

Pılıp 10 memleketti qujatsyz kezip júrgen.

Jas jigittiń aıtýynsha, ol Argentınadaǵy Ulttyq kitaphanaǵa qaraı bet alǵan. Alaıda Pılıp kózdegen jerine jetkende ony qujaty bolmaǵandyqtan jáne kıimi kir bolǵandyqtan kirgizbeı qoıady. Qamyǵyp qalǵan jigit qaıtadan keri qaraı Brazılıaǵa bet aldy.