Gavaııada AQSH pen Germanıa arasyndaǵy tenıs machynda Germanıanyń Gıtler kezindegi ánurany oınalǵan dep habarlaıdy bbc.com. AQSH  tenıs asosıasıasy «Germanıa barlyǵynan joǵary» dep bastalatyn ánurandy qoıǵany úshin keshirim surady.

Ánuran Germanıa ókili Andreı Petkovıch pen amerıkandyq Alıson Rıskeniń arasyndaǵy machtyń aldynda oınalǵan.

«Bul óreskel qatelik jáne adamdy qorlaıtyn epızod. Bul meniń basymnan ótken eń úlken jaǵymsyz jaǵdaı. Ásirese Federasıa Kýbogindegi» dedi Petkovıch.

«Germanıa týraly án» 1920 jyly Veımer respýblıkasynyń resmı ánurany boldy. Alaıda ekinshi dúnıejúzilik soǵystan keıin onyń alǵashqy «Germanıa barlyǵynan joǵary» sózderi alynyp tastaldy.

Amerıkandyq tenıs asosıasıasynyń málimdemesinde ánurannyń eski nusqasy qoıylǵanyna qatty ókinetinin aıtyp, sportshylar men jankúıerlerden keshirim surap, ekinshi márte mundaı óreskel qatelik qaıtalanbaıtynyn aıtty.

Federasıa Kýbogi - áıelder tenısindegi iri halyqaralyq komandalyq jarys. Petkovıch pen Rıske arasyndaǵy mach amerıkandyq Rıskeniń jeńisimen aıaqtaldy. Esep: 7-6, 6-2.