Byltyr mas kúıinde jasalǵan qylmys sany 13%-ǵa kóbeıdi.

Qazaqstanda ishimdik ishý deńgeıi 2015 jyly adam basyna shaqqanda jylyna 11 lıtrdi qurady dep habarlady QR ishki ister mınıstri Qalmuhambet Qasymov. 

Dúısenbi kúni májilistegi úkimet saǵatynda sóılegen sózinde mınıstr turmystyq qylmystyń eń jıi kezdesetin sebepteriniń biri maskúnemdik pen nashaqorlyq ekendigin atap ótti.

"Anyqtap aıtatyn bolsam, 2015 jyly Dúnıejúzilik densaýlyq saqtaý uıymy qurastyrǵan ishimdik ishý deńgeıi boıynsha álem elderiniń reıtıńine sáıkes Qazaqstan 188 eldiń arasynda 34-shi orynǵa ıe, ishimdik ishý kórsetkishi adam basyna shaqqanda jylyna 11 lıtr. Halyqaralyq krıterııler boıynsha adam basyna shaqqandaǵy ishimdik ishý kólemi 8 lıtrden asyp ketse, eldiń genofondy quldyrap barady degen sóz", — deıdi Qasymov.

Onyń bergen málimetine súıensek, mas kúıinde jasalǵan qylmystar sany byltyrǵy jyly 13%-ǵa kóbeıip, 20 myń oqıǵany qurady. Mańǵystaýda kóbeıý kórsetkishi 75%, Almaty, Aqmola jáne Ońtústik Qazaqstan oblystarynda — 50%. 
 

Derekkóz: sputniknews.kz