Kýágerlerdiń sózinshe, dárigerler jarymjannyń qasynan ótip turyp, eshqandaı kómek kórsetpegen.

12 aqpan kúni keshke qaraı Samarada klınıkalyq aýrýhananyń birinde adam shoshyrlyq jaǵdaı oryn aldy. Bir aıaǵy joq baldaqpen júrgen jarymjan adamdy jedel járdem kóligimen aýrýhanaǵa ákeledi. Alaıda ony qaqaǵan aıazda qaıtadan dalaǵa shyǵaryp jibergen, dep habarlaıdy ProGorodSamara.ru.

– Dalada -14! Ony qalaı ákeldi? Men kórgende keshki besterdiń shamasy bolatyn. Múmkin jedel járdem kóligimen ákelgen shyǵar, ony aýrýhanaǵa kirgizedi. Biraq saǵat bes jarymdarda qarasam, ol aýrýhananyń esik aldynda qaltyrap jatyr eken. Ony qalaı qýǵanyn kórmedim. Ol sol jerde 30-40 mınýttaı jatqan. Múmkin bir saǵat shyǵar! Oǵan kómektesýge kelgen aýrýhana qyzmetkerlerin baıqamadym. Eń jamany, jedel járdem kólikteri kelip-ketip jatty. Eshkimniń sharýasy bolmady. Bul jekemenshik aýrýhana emes, qalalyq aýrýhana ǵoı!» – dedi kýáger tańdana.

Qyzdyń aıtýynsha, ol er adamnyń odan keıingi taǵdyryn bilmeıdi:

– Men aýrýhana qyzmetkerlerinen er adamnyń jaǵdaıyn suradym, bir jaqqa aparý kerektigin nemese polısıa shaqyrtý kerektigin aıttym. Medbıke polısıa shaqyrtqanyn aıtty. Naqty qaıda alyp ketkenin bilmeımin. Ol adamnyń jarymjan ekeni anyq. Qalalyq aýrýhananyń jedel járdem kóligi men aýrýhana qyzmetkerleriniń kórip turyp, qol ushyn bermegeni qynjyltty. Bul – sumdyq! Ony qabyldaý bólimine tirkeý kerek edi, alaıda ony aýrýhanaǵa jatqyzbaǵany anyq.