Bundaı jaqsy kórsetkishke Túrmedegilerdiń sanyn azaıtý jobasyn iske asyrý arqasynda qol jetken.

Ortalyq komýnıkasıalar qyzmetinde 23 aqpanda Bas prokýratýrada ótetin «Túrme reformasynyń» kezekti İV Forýmyna ranlaǵna baspasóz konferensıasy ótti. Josparlanyp otyrǵandaı, Forým barysynda úsh jyldaǵy (2013-2016 j.j.) jumys qorytyndylanady.

Birinshi forým 13-shi jyldyń aqpanynda ótkizilgen, onda «Túrme halqyn azaıtýdyń 10 sharasy» Jobasynyń tusaýy kesildi.         

Onyń maqsaty – Qazaqstandy 2017 jylǵa deıin túrme reıtıńisi nashar 50 eldiń qatarynan shyǵarý.

Forýmda qalyptasqan usynystar İs-sharalar josparyna engizilip, Parlament depýtattarynyń, Joǵary Sottyń, İİM, halyqaralyq quqyq qorǵaýshy uıymdarynyń qoldaýyn tapty. Jańa Qylmystyq jáne Qylmystyq-atqarý kodeksterine qosyldy.  

Jobany úsh jyl ishinde júzege asyrý nátıjesinde Qazaqstanda túrmedegilerdiń sany 30% azaıdy, 2012 jyldyń 52 myńynan 2016 jyldyń sońyna 36 myńǵa deıin.

Halyqaralyq reıtıńte Qazaqstan 35-shi orynnan 68-ge kóterildi.

Bul eki jyl ishinde qylmystyq-atqarý júıesiniń 7 mekemesin jabýǵa múmkindik berip, búdjettiń 12 mlrd. únemdeldi.

Sonymen qatar 2014 - 2015 jyldary túrme reformasynyń ekinshi jáne úshinshi forýmdarynda tusaýkeserleri ótken «Kolonıalarda jumyspen qamtý - 2017» jáne «Áleýmettendirý – sen qoǵamǵa kereksin»  jobalaryn iske asyrý  nátıjelerin talqylaý josparlanýda.

Forýmnyń ekinshi bóliginde Bas prokýratýranyń «Azaptaýsyz qoǵamǵa»  jańa Jobasynyń, sondaı-aq olardy boldyrmaýdyń naqty İs-shara josparynyń tusaýkeseri bolady.

Jobanyń maqsaty – qylmystyq proseste jáne penıtensıarlyq salada azaptaýdy joıý boıynsha zańnamalyq jáne tájirıbelik sharalardy ázirleý jáne júzege asyrý.

Jobanyń negizi azaptaýdy boldyrmaý ınstıtýttarynyń tıimdiligin arttyrý baǵytynda zańnamaǵa ózgerister engizý, sondaı-aq zańdardy jáne tájirıbeni halyqaralyq standarttarǵa jáne ratıfıkasıalanǵan kelisimder men konvensıalar aıasyndaǵy mindetterge sáıkestendirý bolyp tabylady.

İs-shara jospary 3 negizgi baǵytty qamtıdy:  azaptaýlardy boldyrmaýdy, olardyń tergelýin jáne jábirlengenderdi ońaltýdy.

Stambýl hattamasynyń qaǵıdalaryn tájirıbege engizý sharalary bólek kórsetilgen, onda ulttyq jáne prosesýaldyq erekshelikterge qaramastan, azaptaýdy tıimdi tergeý boıynsha búkil álemniń tájirıbesi jınaqtalǵan.  

Sondaı-aq, Forýmnyń talqylaýyna penıtensıarlyq júıesiniń jabyq mekemelerinde azaptaýdy, qatygezdikti jáne jazalaýdy boldyrmaý men aldyn alý sharalary usynylady. Memlekettiń jaýaptylyǵy men shyǵyndy tolyq kólemde ótelýin qamtamasyz etý qaǵıdasy negizinde azaptaýmen jábirlengenderdi tıimdi ońaltý úshin  azamattyq zańnamany jáne ony qoldaný tájirıbesin  ózgertý boıynsha sharalar qosylǵan.

Áriptester men Forýmnyń qosymsha uıymdastyrýshylary Parlament Májilisiniń zańnamalyq jáne sot-quqyqtyq reformasy Komıteti, Qazaqstan Respýblıkasyndaǵy Adam quqyqtary jónindegi ýákili, İshki ister mınıstrligi, «Qylmystyq sot tóreligin jetildirý» Eýropalyq Odaq Jobasy, sondaı-aq  Astana qalasyndaǵy EQYU baǵdarlama Ofısi.