«Astana EKSPO -2017» AQ-nyń Basqarma Tóraǵasy Ahmetjan Esimov kórme qatysýshylarymen úshinshi márte jıyn ótkizdi, dep habarlaıdy informburo.kz jańalyqtary.

Jıynda Ahmetjan Esimov qonaqtarǵa Astananyń qysy jaıynda aıtyp berdi:

«Astana sizderdi óziniń keremet, qarly qysymen qarsy alady. Bizge qydyryp kelgen bir qonaq aıtpaqshy, bundaı mezgilde taza aýamen bir tynystap qalasyń jáne qosymsha kúsh jınaısyń. Ózderińiz de baıqaǵan bolarsyzdar».

Jınalysqa álemniń 100 memleketinen 300 adam qatysty. Esimovtyń aıtýy boıynsha, pavılondardy ár elge taratý bastalyp ketti. Sonymen qatar, kórmege qatysýshylarǵa da pavılondy daıyndaý jumystaryna kirise berýine keńes berdi.

«Kóp elder qurylys jáne montaj jumystaryn bastap ketti. Kórmege deıin 108 kún qalǵandyqtan, daıyndyqty tezdetkenimiz jón. Barlyq qyzmet kórsetý oryndary sizderge yńǵaılanyp salynǵan», - dep túsindirdi Esimov.

Bul joly kórme aldyndaǵy qorytyndy otyrys boldy. Otyrysta Astanada ótetin «EKSPO-2017» kórmesiniń sátti ótip shyǵýy jaıynda máseleler sońǵy ret talqylandy.