Qazaqstanda 2017 jyldyń 1 shildesinen bastap bala týýyna baılanysty beriletin bir rettik járdemaqy mólsheri birinshi, ekinshi jáne úshinshi balaǵa 31,41 AEK-ten  38 AEK-ke, tórtinshi jáne odan keıingi balalarǵa 52,35 AEK-ten 63 aılyq eseptik kórsetkishke artady. Iaǵnı, 1-3 balaǵa bir rettik járdemaqy 86 myń teńge bolsa, tórtinshi jáne odan keıingi balaǵa 142 myń teńge beriletin bolady dep jazady islam.kz.

Budan bólek Qazaqstanda bala kútimine baılanysty 1 jasqa tolǵansha beriletin aı saıynǵy járdemaqy da qarastyrylǵan. Eger anasy jumys istemegen bolsa, bala bir jasqa tolǵansha shilde aıynan bastap aı saıyn birinshi balaǵa 13069 teńge, ekinshi balaǵa — 15451 teńge, úshinshi balaǵa — 17811 teńge, tórtinshi jáne odan keıingei balalarǵa 20194 teńge tólenbek. Al qyzmettegi áıelder bala bir jasqa kelgenshe sońǵy eki jyldaǵy ortasha jalaqysyna baılanysty járdemaqy alady. Ony esepteý úshin eki jyldaǵy tabysty  24 aıǵa bólip, 0,4 -ke kóbeıtý kerek. Sonymen qatar járdemaqy berilgen kezde 10 paıyzy zeınetaqy qoryna ustalatynyn da eskergen jón.

Álem tájirıbesine kóz salatyn bolsaq, kópshiliginde balaǵa beriletin járdemaqy áıeldiń tabysyna baılanysty bolady. Mysaly, Italıada ata-ananyń jyldyq tabysy 11422 eýrodan tómen bolsa, balaǵa aı saıyn 250 eýro járdemaqy beriledi. Bul kórsetkish 27 693 — 30 403 eýro bolsa, ár balaǵa aıyna 38 eýro tólenedi. Ata-anasynyń tabysy 43 489 eýrodan artsa, járdemaqy berilmeıldi.

Ózbekstanda bir rettik járdemaqy  31 041 teńge ( 299 550 som). Bala eki jasqa tolǵansha aı saıyn 23 281 teńge (224 665 som) tólenedi. Fınlándıada balanyń járdemaqysyn beretin kezde áıeldiń júktilik boıynsha der kezinde esepke turýyn mindetti túrde eskeredi. Bul elde balaǵa járdemaqydan bólek «pakt» qarastyrylǵan. Ol balaǵa qajetti zattar men kıim keshekterdi qamtıdy. Keıbir basylymdardyń aıýtynsha, onyń baǵasy aqshalaı járdemaqydan da kóp bolady eken. Úndistanda bala kútimine eshqandaı járdemaqy qarastyrylmaǵan.

AQSH-ta bala týýyna jáne kútimine qatysty járdemaqy tek áleýmettik osal toptarǵa beriledi. Al dekretti demalys kompanıamen otyrǵan áıeldiń kelisimshartyna baılanysty bolady. Shveısarıada dekret tek tórt aıǵa beriledi. Osy ýaqytta áıeldiń sońǵy 1,5 jylda alǵan ortasha jalaqysy tólenedi. Eger áıeldiń eńbek ótili 1,5 jylǵa jetpese, járdemaqy berilmeıdi. Memlekettik qoldaý retinde beriletin aı saıynǵy járdemaqy 200 frank. Shveısarıada ortasha jalaqy 50 myń frank ekenin eskersek, bul óte az ekenin ańǵarý qıyn emes.

Sonymen, bir rettik járdemaqy beretin elder:

• Estonıa — 320 eýro. Úshem týsa, ár balaǵa 1000 eýro.
• Polsha — ár balaǵa 120 eýro. (Aı saıynǵy tólem 12 eýro)
• Belgıa — bir balaǵa 77,05 €, eki balaǵa 219,63 €, úsh balaǵa 432,50 €
• Japonıa — eki balaǵa 400 dollar, úshinshi jáne odan keıinshi balalarǵa 700 dolar.
• Germanıa — birinshi balaǵa 184 €, ekinshi balaǵa 368 €
• Grekıa — birinshi balaǵa  5,87 €, ekinshi balaǵa 12,13 €, úshinshi balaǵa 22 €
• Irlandıa — birinshi balaǵa 140 €, ekinshi balaǵa 280 €, úshinshisine 428 €
•  Islandıa — birinshisine 115,25 €, ekinshisine 137,17 €. Jalǵyzbasty analarǵa birinshi balaǵa 191,92 €,  ekinshisine 196,83 €
• Fransıa — birinshi balaǵa járdemaqy berilmeıdi. Ekinshi balaǵa 120 eýro, úshinshi bala týǵanda aı saıyn 274 eýro

Keıbir elderde bala belgili bir jasqa kelgenshe aı saıynǵy járdemaqy qarastyrylǵan:

• Ulybrıtanıa — 10 jasqa deıin  aı saıyn 105 eýro; 10 jastan keıin — 70 eýro;
• Golandıa — ár balaǵa 6 jasqa tolǵansha aıyna 58 eýro, 6-11 jas aralyǵynda 70,5 eýro, 12-17 jas 82 eýro;
• Latvıa — bala bir jasqa tolǵansha ananyń sońǵy bir jyldaǵy ortasha jalaqysynyń 70 paıyzyn tóleıdi;
• Avstrıa — 0-3 jas — 105,40 €, 3-10 jas  112,70 €; 10-19 jas  130,90 €
• Danıa — 0-3 jas 145 €, 3-7 jas 131 €, 7-18 jas 103 €,
• Ispanıa — 18 jasqa deıin 24,25 €,  múgedek balalarǵa 48,47 €
• Nıderland — 0-6 jas 58,11 €, 6-11 jas — 70,57 €, 12-17 jas 82,02 €.