Adam balasy qandaı denemen, túrmen dúnıege keletinin sheshpeıdi. Alaıda, ómirge kelgen soń ózine berilgen beınemen ómir súredi. Bul sábıdiń ómiri oılandyrmaı qoımaıdy.

Sıera esimdi búldirshin 19 jyl buryn dúnıege kelgen. Týylǵannan denesiniń 70 paıyzy qalmen qaptalǵan. Alaıda óziniń dál osylaı týǵanyna qýandy, sebebi ózgelerge uqsamaıtyn edi.

Sábıdiń ata-anasy qyzdarynyń elden alshaq bolmaýy úshin qoldarynan kelgenin istep-baqty. Bul jyldar búldirshin úshin aýyr tıdi, basqa balalardyń kúlkisine qaldy. Tipti, úlken kisiler de tesile qaraıtyn. Mektep buzaqylary ony «ala-qula ıt» dep mazaqtaǵan.

Iá, ol ózin basqalarynan ózgeshe sanady. Biraq qoǵamnyń kózqarasymen emes, ózindik kózqarasy boldy. Ol óz denesinen eshqashan da uıalǵan emes. Eldiń pikirine túkire qarady. Ózin qashan da baqytty sezinýge tyrysty, baqytty boldy da.

 «Meni avtobýs ishinde bir jigittiń «ala-qula ıt» dep ataǵanyn estip qaldym. Úlken synyp oqýshylary árdaıym mazaqtap júretin. Meniń syrtqy kelbetime baılanysty mazaq tirkester shyǵaryp alatyn. Mendegi basty másele týǵanymnan elden ózgeshe bolǵanym».

Biraq, kishkentaı qalashyqta dúnıege kelgenime qýanamyn. Sebebi, bul mekende meni bári tanıtyn, syrtqa shyǵýǵa da qysylmaımyn. Halyq meni kúnde kórgen saıyn, syrtqy kelbetime úırenip te qaldy.

Ýaqyt óte kele, maǵan aıtylǵan teris pikirlerge kóz juma qaraıtyn boldym».

Alaıda anam «bul qaldar perishteniń seni súıgeniniń izi» dep tynyshtaldyratyn. Meni árdaıym buzaqylardan qorǵap júretin ákem de janymda».