Qazaqtildi jáne orystildi jýrnalıser sıasy eki túrli qalammen jazamyz

Aıym:

- Irına hanym, Siz qıan-keski oqys oqıǵalardyń ishinde júresiz. Ómirińizge, jeke basyńyzǵa qaýip tóngen sátter boldy ma?

- Rahmet, Aıym! Qıan-keski bolmasa da, ózge áriptesterimmen birge oqys oqıǵalardyń ishinde jıi júretinimiz ras. O basta, jýrnalıs mamandyǵyna tańdaý jasaǵan kezde-aq,  bul salanyń qyzyǵymen birge qaýpiniń de bolatynyn bildik. «Jeke basyma qaýip tóndi» dep tym asyra aıtpaı-aq qoıaıyn, biraq qorqytqandar, dórekilik tanytqandar kóp boldy. Ásirese, sońǵy jyldarda bolǵan eki jaǵdaı esimde qalypty. Biri – Boraldaı kentinde bolǵan lańkesterdi joıý operasıasy. «Arystan» arnaıy jasaǵynyń eki birdeı jaýyngeri opat bolǵan operasıa kezinde, alǵashqy aqparattardy anyqtap, oqıǵa ornynda júrgenbiz. Qasymda áriptesim Asqar Meńdibaev, belgili jýrnalıs Shynar Saǵyndyqova men «Razberemsá» baǵdarlamasynyń redaktory Mýhıt Saparbaev bolǵan. Senimdi derek kózderinen - bir lańkestiń áli qolǵa túspegenin estip alǵanbyz. «Múmkin kezdestirip qalarmyz, sóıtip, elden buryn kameraǵa túsirip alamyz», - degen jýrnalısik qyzyǵýshylyq úshin, eshqaısymyz jeke basymyzǵa keler qaýiptiń salmaǵyn sol sátte saralap jatpadyq. Dala tym qarańǵy, oqıǵa ornyna kire almasaq ta, tańǵy altyǵa deıin kete almaı júrdik. Árıne, qudaı saqtap, álgi terrorıst tabylmady.)) Óıtkeni, artynan belgili bolǵandaı, bizdiń arnaıy jasaq oqıǵa ornynan qylmyskerlerdiń qashyp ketýine múmkindik bermegen. Oılańyzshy, artynan bildik qoı, kózi joıylǵandar - on birdeı asa aýyr qylmysqa qatysy bar qylmystyq top eken. Ekinshi jaǵdaı – Shý jaqtan qaıtyp kele jatyp, jolaı kezdesken kafe qojaıyndarynyń tek túrik tilinde habar taratatynyn telearnany qosyp qoıǵanyn kórip, túsirý jumystaryn bastap ketkenbiz. Bastapqyda aıaq astynan paıda bolǵan kamerany túsinbeı qalǵandar, artynsha, bizdi qorqytýǵa kóshti. Tipti, adam toly birneshe kólikterin shaqyryp, olar jarty jolǵa deıin artymyzdan qýyp keldi. Túngi 1-2-lerdiń kezi ǵoı, qorqyp qalǵanym ras.)

Nurly:

- Sizdi bylaıǵy jurt telejýrnalıst retinde jaqsy tanıdy. Al qyzmet jolyńyzdy oqyp otyrsaq merzimdi basylymdarda jýrnalıs bolypsyz. Búgingi qazaq jýrnalısıkasy týrasynda oıyńyzdy bilgim keledi.

- Qazaq jýrnalısıkasyna joǵarydan qarap, baǵa beretindeı dárejege jetken joqpyn. Degenmen, gazette de, telearnada da jumys istegen jýrnalıs retinde aıtqym keletini - jýrnalısıkanyń bul eki salasynyń da atqarar júgi aýyr. Jáne qos salada da «sen tur, men ataıyn» deıtin marqasqa jýrnalıser jeterlik. Biraq, jalpy alǵanda, qazaq jýrnalısıkasyn jabyla quraǵanymyzben, ıaǵnı, qazaq memleketin osy elde turatyn barlyq ult ókilderiniń quraıtyny sekildi, qazaq jýrnalısıkasyn quraıtyn - qazaqtildi jáne orystildi jýrnalıser eki bólek oılaımyz, jazýymyz da ár basqa. Bir eldiń jýrnalısıkasy degen aty bolmasa,  maqsatymyz ortaq, múddemiz bir desek te, sıasy eki túrli qalammen jazamyz. Jasyratyn nesi bar, keıde ulttyq múdde, qazaqtyń jaıy degen máselege kelgende, orystildi jýrnalısterdiń basym bóligi (orystar dep ultyna bólip turǵanym joq –I.S) – únsiz otyra qalady. Biraq qazaqtyń jaıyn qozǵaý, tiliniń taǵdyryn aıtý – ultshyldyq degen sóz emes! Tipti, keıde úndemegeni de durys deıtin de kezimiz bolady. Óıtkeni, el jabyla kóterip jatqan máselege qoldaý kórsetýdiń ornyna, qarsy shyǵatyndar tabylady.

Dınara:

- Sizdiń jýrnalısik qyzmetińizde lıderlik qabletińiz anyq baıqalyp turady, turǵyndardy ylǵı da jınap alyp, tártipti túrde pikir aıtýlary úshin uıymdastyra bilesiz, aldaǵy ýaqytta bılikten nemese basshylyq oryndardan kórinýińiz múmkin be? Osyǵan deıin de ondaı laýazymdardan usynys tústi me?

- Suraǵyńyz qyzyq eken, men turǵyndardy jınap almaımyn, ózderi jınalyp alyp, bizdi shaqyrady. ) Al, Siz aıtqandaı, bılikten nemese basshylyq oryndardan resmı túrde usynys túsken joq. Biraq, usynystan góri, «Informbúrony» baǵalaǵany dep túsindim, úlken qyzmettegi aǵalardyń Astanaǵa shaqyryp, arnaıy tildeskeni bar. Aramyzda «Qalaı qaraısyń?» degen turǵydaǵy áńgime boldy. Biraq menimshe, árkim óziniń qolynan keletin ispen aınalysýy tıis, qolymnan ázirge, kelmeıtinin aıttym.

Aqparattyq qaýipsizdikke alańdasaq eń aldymen qazaqtildi BAQ-qa qoldaý kórsetilý qajet!

Eldos:

- Búgingi dáýirdiń eń úlken soǵysy – aqparattyq soǵys. Siz sol “soǵystyń” alǵy shebinde júrsiz. Aıtyńyzshy bizdiń eldiń aqparattyq qaýipsizdigi qanshalyqty deńgeıde? qaıda bara jatyrmyz? jeńsek jeńgenimiz qaısy? jeńilsek ne sebepten?

- Aqparattyq qaýipsizdikke alańdasaq, eń aldymen osy eldiń memlekettik tili – qazaqtildi BAQ-qa qoldaý kórsetilý qajet! Basqany bylaı qoıǵanda,  jarnamamen jan baǵatyn aqparat quraldaryna jaqsy tanys jaǵdaı  bar – jarnama bergishter orystildi BAQ-ty tańdaıdy. Ol – orystildi tilshiler myqty degen sóz emes, kerisinshe qazaqtildi kórermen men oqyrmannyń quqyn aıaqqa taptaý degen sóz! Estýimshe, elimizdegi qazaqtildi aqparat quraldarynyń úles salmaǵy – alty paıyzǵa da jetpeıtin kórinedi. Qudaı betin ary qylsyn, el shetine jaý kelse, alty-aq paıyzben qaı jyrtyǵymyzdy jamap úlgeremiz? Óıtkeni, joǵarydaǵy jaýabymdy qaıtalap aıtam, ulttyq múdde, qazaqtyń jaıyn qozǵaýǵa kelgende, emeshegi úzilip turǵan basqa tildi BAQ ókilin kórmedim.

Esil:

- Qazaq jýrnalısıkasynda kimderdi joǵary baǵalaısyz?

Serik Ábiken, Názıa Joıamergenqyzy, Juldyz Ábdildá, Bolat Múrsálim, Gúlbaný Ánıatqyzy, Qasym Amanjol, Shynar Saǵyndyqova, Muhıt Saparbaev, Dına Tólekova, Janar Baısemizova. Aty birden esime túspeı turǵan, jazǵany – jumyr, tili – ótkir jýrnalıser kóp qoı. Meniń uǵymymda, myqty jýrnalıs – jazǵanynan júregi kórinetin, jumysy –  ýaqytqa baǵynbaıtyn, ıaǵnı, uıyqtap jatsa da, túnniń bir ýaǵynda túrtip jiberseń, dıktafony men kamerasyn qushaqtap oıanatyn, bir sózben aıtqanda,  ózi tańdaǵan mamandyǵyn shyn máninde, janymen jaqsy kóretin adam.

Turanker:

- “31 arnanyń” Reseıdiń (reseılikterdiń) yqpalynda ekenin bilemiz, sizder de qandaı senzýralar bar? Daıyndaǵan aqparattaryńyzdyń efırge jiberilmeı qalǵan kezderi boldy ma? Qalamaǵan taqyrybyńyzda sújet daıyndaǵan tustaryńyz she?

- «31 arna» – Reseıdiń yqpalynda emes! Basshylarymyzdyń aıtýynsha, kompanıa aksıasynyń 20 paıyzy ǵana - STS medıanyń enshisinde eken. Onda da táýelsiz arna bul baılanysty - tek tabys tabý men bıznes aktıvterin damytýǵa negizdegen. Basqa eldiń ókilderine baǵynbaıtynymyzdy – «Informbúronyń» turaqty kórermenderi biledi degen oıdamyn. Daıyndaǵan aqparattyń efırge jiberilmeı qalǵan kezi boldy. Biraq ol materıal tolyqqandy, jan-jaqty  zerttelip baryp, basqa kúni efırge beriletin. Sondaı-aq, ultarazdyq sıpat berýi múmkin, nemese taqyryby – qazaq qoǵamy qabyldaı almaýy múmkin  keıbir materıaldardyń efırden berilmeı qalǵan kezi boldy. Qalamaǵan taqyrypta sújet jasaǵan kezim de boldy.

Túren: 

- Búgingi qazaq baspasózi, qazaq jýrnalıseri memlekettik bılikke nemese jekemenshik uıymǵa qanshalyqty yqpal ete alady? Ózińiz kótergen máselelerdiń durys sheshilgeni kóp pe, álde aıaqsyz qalǵany ma? Naqty mysaldar keltirińizshi…

- «Aıaqsyz qalǵan» - degen jaqsy emes. Shynymdy aıtaıyn, ásirese, qaıyrymdylyq maqsatta jasalatyn sújetterdiń nátıje bermeýi, ıaǵnı kómek suraǵan janǵa – járdem jetpese, oǵan ózimdi kináli sezinetin bolyppyn.  Men múmkin, kórermenge áser etetindeı jetkize almaǵan shyǵarmyn dep. Ádette, kómek suraǵan adamdarǵa qatysty sújet jasasam, efırden keıin, redaksıada otyryp, barlyq telefon qońyraýlaryna jaýap berýge tyrysamyn. Telefon nómirlerin alyp, ol kisilerge kómek suraǵan adamnyń telefonyn berip, degendeı. Sonda baıqaǵanym – qansha jerden, «qoǵam qatygezdenip ketti» - dep, baıbalam salsaq ta, qaıyrymdy, meıirimdi jandar óte kóp.   Sondaı sújetterden soń, redaksıadaǵy telefon qońyraýlaryn ıgere almaı ketemin). «Informbúro» kótergen kóp sújettiń arqasynda, baspanasyz keıbir otbasylar úıli boldy, aılyqtaryn ala almaı júrgender – jalaqysyn alsa, balasyn mektepke ornalastyra almaı, shyryldaǵan ata-analardyń alǵysyn alǵan da kezimiz boldy. Jemqor basshylarynyń áreketin áshkere etken keıbir jumysshylardyń, ózderine kún kórsetpeıtin basshylarynyń ornynan ketýin talap etken talaptarynyń oryndalýyna muryndyq boldyq.

E .Tóleýbaı:    

Erlik qoı bul zamanda el deýiń de,

Býylyp eliń úshin belbeýiń de.

Irınajan ózińe alǵysym zor,

Juldyz bol eliń alqar sen kógimde.

Arnamyz 31-ge sátti sapar…

Jarqyldaǵan aldaspandaı el kóginde!!!

- Rahmet! Kórermenniń kóńilinen shyǵa alsaq, bizdiń maqsatymyzdyń oryndalǵany).

Ánshi-bıshi efır toltyrǵan televızıa salasynda – jetistiktiń ólshemi nemen ólshenetinin de uqpaı qaldyq qoı

E .Tóleýbaı:    

- Irına aqparat salasynda júrsiz, jetken jetistigińiz dep neni sanaısyz? Bul salany taldaǵanyńyzǵa ókingen kezderińiz boldy ma?

- Aýyz toltyryp aıtatyndaı, jetistikke jettim dep oılamaımyn. Onyń ústine, ánshi-bıshi efır toltyrǵan televızıa salasynda – jetistiktiń ólshemi nemen ólshenetinin de uqpaı qaldyq qoı). Balalaryma kóp ýaqyt bóle almaı ketken kezderim bolmasa, jýrnalısıkany tańdaǵanym úshin, eshqashan ókingen emespin! Jumysymdy jaqsy kóremin!

Bala:   

- Qalaısyń , Irosh?

- Rahmet, jaqsy! Irosh dep jaqyn adamdarym aıtady, sondyqtan qalymdy surap otyrǵan dostarym sıaqty).

Polat:

- Jýrnalısik saparmen shetelge shyǵyp turasyz ba? Barǵan bolsańyz qandaı elderge?

- Jýrnalısik saparmen, Túrkıa eliniń birneshe qalasyna, Máskeýge, Úndistanǵa bardym. Armanym – Parıjdi kórý!)

 Dolda: 

- Koktemde Urimzhide bolgan okiga turaly algashky bolyp khabar Bergen telearnalardyng biri sizderding arnalaryngyz boldy, zhalpy sonday akparat kozderin kaidan alasyzdar? 31-ding Urinzhide menshikti zhurnalisteri barma?

- Ǵalamtor degen jaqsy boldy, «Informbúrony» sheteldegi qandastarymyz kóp kóredi eken. Oǵan dálel – bizge Qytaıdan, Fransıadan, Mońǵolıa qazaqtarynan jıi hat kelip turady. Áleýmettik jeliler arqyly da syrttaǵy aǵaıynmen hat alysyp, pikir almasyp turamyz! Al, Úrimshidegi jaǵdaıdy da osyndaı dostarymyzdyń arqasynda bildik. Jáne qytaı kompanıasynyń Úrimshidegi soqqyǵa jyǵylǵan otbasydan keshirim surap, moraldyq, materıaldyq ótemaqy bergenin estidik. Eń bastysy – qytaılar óz jerinde basynbaq bolǵan bizdiń aǵaıynnan keshirim surady. Al, Úrimshide bizdiń tilshiler joq, kórermenimiz bar).

Iýrka degen jalǵyz orysynyń ózi orysshasyn umytyp qalǵan aýylda dúnıege kelgen edim

Marǵasqa:

- 31-de biz biletin biraz myqty jalyndy jýrnalıser bar, shyndyqty jaqsy aıtady, kóremiz, rıza bolamyz, degenmen de osy ultjandy, qazaq keýdeli tilshiler 31-diń arnalyq ımıjine qanshalyqty yqpal etip jatyr, dańǵaza jarna men uıatsyz kınolardy kórsetýdi bul arna qashan toqtatady nemese 31 qashan tolyq qazaq jandy arna bolady?

 - Pikirińizge rahmet! Degenmen, 31 telearna – memlekettiń búdjetine kóz alartpaıtyn, qarapaıym tilmen aıtqanda, óz janyn – ózi baǵyp otyrǵan komersıalyq arna. Iaǵnı, jumysshylarynyń jalaqysyn – sol jarnama men basqa da men sekildi shyǵarmashylyq ujym túsine bermeıtin qarjy kózderiniń arqasynda berip otyr. Jarnama berýshiler de kez-kelgen telearnaǵa jalaýlatyp tapsyrys bere bermeıdi, reıtıńi joǵary, kórermeni kóp telearnalardy jaǵalaıdy. Iaǵnı bizdiń reıtıńimiz jaqsy, sol sebepti jarnama berýshiler kóp, ol degenińiz – bizdiń de jalaqymyz jyrymdalmaıdy degen sóz. Al, men basshylyqqa baryp, meniń jalaqymdy qysqartyp, jarnamanyń sanyn azaıtyńyz dep aıta almaımyn ǵoı). Al, fılmderge kelsek, efırge shyǵatyn kıno ónimderine - men jaýapty emespin, biraq kóp kórermennen – 31-diń kınolary jaqsy degen pikirdi kóp estımin!).

Oljas:              

- Sizdiń esimińiz qalaı qoıylǵan, ne maǵyna beredi?

- Men keıde esimimdi ózgertkim keledi. Shyn aıtam! Biraq atam arqalatqan amanatqa qıanat jasaǵym kelmeıdi! Keıde atyma tilim kelmeı jatqandarǵa, ózi qalaǵan esimmen ataýyna tyıym salmaımyn! «Indıra» - dese de, «áý» dep júre beretinim sondyqtan). Esimimdi – atam, ózimiz ata dep ketkenbiz, ákemniń týǵan aǵasy Járden degen kisi qoıǵan. Aıtýynsha, meniń dúnıege kelgenimdi aıtyp, súıinshi suraǵanda, gazet oqyp otyrypty. Onda Irına esimdi qarshadaı orys qyzynyń 1000-ǵa jýyq adamdy nemisterdiń tutqynynan bosatqany týraly erligi jarıalanypty. Biraq qanshama adamǵa bostandyq syılaǵan qarshadaı qyzdy nemister ustap alyp, óltirgen eken. Qarshadaı qyzdyń qaısarlyǵyna  tánti bolǵan atam, esimimdi ójet,  batyr bolsyn dep yrymdap, Irına qoıypty. Áıtpese,  úı salatyn jalǵyz Iýrka degen orysynyń ózi orysshasyn umytyp qalǵan aýylda dúnıege kelgen edim). Kitaptardan oqyǵanym, bul esim – beıbitshilik, tynyshtyq degen maǵyna beredi eken.

Juldyz:           

Siz qaı jaqtan bolasyz ápke, Sizdi kishi júz dep estidim, ras pa, qaı rýdyń qyzysyz?

- Men Almaty oblysy, qazirgi Raıymbek aýdany, Qaınar aýylynyń týmasymyn. Uly júz, albannyń – aljanymyn!

Talgat:

- Nege 31 arna, 30 emes, 32 emes? Ol ne maǵyna beredi? Sosyn siz ashqan “sózdiń shyny kerek” habarynan keıin habarlasyp, sonda kóterilgen máselelerdi talqylaýshylar bolyp tura ma?

- 31 telearnany ashqan azamattar – osyndaı úlken medıaholdıngti jańadan ashqan kezderinde 31 jasta bolǵan eken. Al, «Sózdiń shyny kerek» jobasyna kelsek, ol baǵdarlamany men ashqan joqpyn. Arnamyzdyń basshylyǵy osydan eki jyl buryn, jýrnalısik zertteý janryna qurylǵan jańa joba ashamyz dedi. Onyń senarıin jasaýǵa jýrnalıser arasynda baıqaý jarıalandy. Ári, qomaqty júldeli bolasyń, ári shyǵarmashylyǵyńdy shyńdaýǵa múmkin alasyń degen sóz. Sóıtip, qanjyǵamyz Bas júldemen maılanǵan bolatyn).  «Sózdiń shyny kerekte» Salamat Omash, Maqsat Málikuly degen myqty jýrnalıster jumys istedi. «Informbúronyń» barlyq tilshileri jumyldyq. Ótkir, ózekti máseleler kóp kóterildi, qazir de kóterilip jatyr. Jáne joba efırden ótken soń da talqylap, habarlasatyndar kóp.

Oraqty:

- Irına, keıde daıyndaǵan sújetińdi efırge shyǵarmaýǵa tyrysatyn laýazymdy tulǵalar bola ma? Aqsha usynatyn baı-manaptar she? Jýrnalısik quqyǵyń taptalǵan kezder boldy ma?

- Keıde sújetińdi túsirip bolmaı jatyp, efırge shyǵarmaýǵa áreket jasaıtyn pysyqaılar, redaksıanyń esiginiń aldyn jaǵalap júretinin estımiz. Ózi týraly jaǵymsyz materıal jasaǵandy kim jaqsy kórsin, aıtqanyna kónbeıtinimizdi bilgende, aıaǵyńnan shalýǵa áreket jasap, bizdi basshylarǵa jamandaıtyndar bolady.  Biraq daýly materıaldyń aq-qarasyn anyqtaı almaı, ábiger bop júrgende, basshylyqtyń qoldaý kórsetýi qýantady.

Nazar:

- Rzamyn Irınaga!!!

- Rahmet, Nazar!

Saıa:

- Jýrnalıs bolmaǵanda kim bolar edińiz?

- Jýrnalıs bolmaǵanda, dáriger bolatyn edim.

Aıdana:             

- Qazaqstannyń eń úlken máselesi ne dep oılaısyz? Ózińiz únemi aıtatyn áleýmettik máseleler me álde?

- Keshe psıholog Anna hanymnan qatygezdik, ashýshańdyq taqyrybynda suhbat alǵan edim. Sonda, psıholog hanym, bizdiń qoǵamda adamdar tym ashýshań  bolyp ketkenin aıtqan bolatyn. Oǵan sebep  – asqazanynyń jaıy degen edi. Sol sekildi kez-kelgen másele -  sheshilmeıinshe, ózekti. Biraq áleýmettik taqyrypty kóterýdi qor sanaıtyn jýrnalıser bar. Óıtkeni, ony usaq taqyrypqa balaıdy. Biraq áleýmettik ahýaly tómen, aılyqtan-aılyqqa deıin ólmestiń kúnin keship júrgen elge – saıasattyń quny kók tıyn. Jalaqysy bir paıyzǵa ósse, qýanýdyń ornyna, qymbatshylyq qaıta qysady-aý dep qaıǵyratyn qoǵam ókilderine memlekettik deńgeıde ótetin as ta tók toılarǵa bólinetin qarajattyń kólemi týraly aqpardyń qajeti joq. Óıtkeni, aı saıyn banktegi nesıesi úshin alty myń teńgesin turaqty túrde tóleýge qaýqary jetpeı júrgen jurttyń – ol mıllıondar men mıllıardtardy aıtýǵa tilderi de kelmeıdi. Bir kún úıde ystyq sý óship qalsa, ábigerge túsetin qalalyqtardyń jappaı jaryǵyn óshirip tastasa, ne bolady? Al, altynnyń ústinde otyrsa da, sý men jaryqqa jarymaı otyrǵan qanshama aýyl bar? Túrli ereýilder men bas kóterýler – áleýmettik teńsizdikter oryn alǵan jerde jıileıdi. Sondyqtan áleýmettik máselege jeńil-jelpi qaraýǵa bolmaıdy. Al, áleýmettik ahýaly ońalǵan,  qarny toq adamnyń ashýy degen ne táıiri, shaı oramal kepkenshe.

Ulpan:

Irına, siz ylǵı da aıǵaılap turǵan máselelerdiń basy-qasynda júresiz, sizdi ondaı jerge koordınatorlar jibere me, álde ózińiz suranyp barasyz ba? Sosyn, sizge memlekettik telearnalardan (Qazaqstan, Habar, 24) suranystar boldy ma, bizge jumysqa kel degen sıaqty?

- Koordınatorlar – kelgen aqparatty tirkep, túsirý toby baratyn jermen baılanys ornatady. Kimniń, qaıda, ne túsiretinin jaýapty redaktor belgileıdi. Úsh arnanyń bireýinen usynys túsken. Biraq óz jumysym bar ǵoı).

 Shyńǵys:

- Jýrnalısıka degen qansha degenmen áıel adamǵa aýyr jumys, siz balalaryńyzdyń qasynda analyq keńes aıtyp otyrýǵa tıis ýaqytyńyzda álde bir qıan-keski aqparattyq urystyń arasynda júrýińiz múmkin, shyndyǵynda jumysyńyz sizdi úıden góri túzde kóbirek bolýǵa jeteleıdi, balalaryńyzǵa analyq meıirińizdi tolyq arnaı almaı qalamyn dep qoryqpaısyz ba? Qazaqy bolmys degen bar, áıel-ana! Jýrnalısıkadan ketýdi, durysynda dál osy alashapqyn teletilshilikten ketýdi josparlaǵan kezińiz boldy ma?

- Jýrnalısıka – erkek, áıelge bólinbeıdi. Jýrnalıster de basqa mamandyq ıeleri sekildi, tańerteń jumysyna ketip, keshke úıine qaıtady.  Kún saıyn tótenshe jaǵdaı bolmaıdy ǵoı. Jáne túngi túsirilimge shyqsaq, ertesine nemese basqa kúni sol jumystan tys ýaqytta jumys istegeniń úshin, demalýǵa bolady. Tańerteń balalarymdy mektepke ózim aparyp tastaımyn, keshke sabaqtaryn oqýǵa kómektesemin. Jumysta júrgen kez-kelgen áıeldiń kúndelikti tirligi bul. Jumystan qolym qalt etse, balalarymmen ýaqyt ótkizgendi, oınaǵandy, qydyrtqandy unatamyn. Onyń ústine, balalarym tym kishkene emes. Taǵy da kishkentaıly bolyp jatsaq, úıde otyrýǵa tıis ýaqytta otyrarmyz!) Jaqsy sebeppen demalysqa shyqqan jaqsy ǵoı). Teletilshilikten de ózge aınalysatyn shaǵyn  kásibim bar. Jýrnalısıkadan sharshaǵanda, sol tirshiligime túbegeıli ketemin).

Nurbaqyt:     

- Qazaq baspasózindegi sóz bostandyǵyna kózqarasyńyz qalaı? Aıtpaq bolǵan dúnıeńizdi sharasyzdan irkip qalatyn sátter jıi bola ma?

- Basqalardy bilmeımin, biraq «Informbúroda» aıtqymyz, kórsetkimiz kelgen sújetke shekteý qoıylǵan joq!

Erden:

- Teletilshilerdi sońǵy kezderi ánshi men ártis yǵystyryp tastady kádimgideı, sebep, ne de dep oılaısyz?

- Teletilshilerdi emes, telejúrgizýshilerdi yǵystyryp tastady deńiz. Óıtkeni, jýrnalıs bolyp, oqıǵa ortasynda júrgen óner adamyn kórgen joqpyn. Biraq óner adamdarynyń jappaı – efırge otyrýy, telejúrgizýshilerdiń álsizdiginen emes, olardyń qulaǵynan redaktormen baılanys alynyp tastalsa, fonogramsyz án aıta almaıtyndaı kúıge túsetin be edi, kim bilsin?!  Negizi – árkim óz isimen aınalysqany jón! 

 Arman:

- Sizderdiń jańalyqtar qyzmetindegi jýrnalısterdi qatty syılaımyn, kúıip túrǵan ulttyq máselelerge ún qosyp jatasyzdar. Osy qalyptan tanbańyzdar, báribir kimniń kim ekenin bylaıǵy jurt bilip otyr. Shyǵarmashylyq tabys tileımin!

- Rahmet Arman!

Suńqar:

- Qazaq baspasózindegi eń ózekti taqyryptardyń biri – qandastar. Olar týraly jazýdy kóptegen memlekettik BAQ doǵardy. Qazir 31, Abaı, Qamshy, Ult qatarly birqatar aqparat quraldary qaýzap otyr. Ótkende qytaıdaǵy qazaqtardyń basyndaǵy jaǵdaıdy ózińiz bastap kóterdińiz. Sol Qytaı elinde úlken dúmpý týdyrdy. Shekten shyǵyp bara jatqandar sıraǵyn tartty. Arǵy bettegi aǵaıynnyń ishinen sol habardy kórip “joqtaýshymyz bar eken ǵoı” dep kemseńdegen jandardy kórdik. Týra osy máselege aldaǵy ýaqytta taǵy da alańdaı júrińiz!

 - «Syrttaǵy qandastardyń jaǵdaıyna alańdamańdar, olar týraly jazbańdar!» degen eshkimge tapsyrma kelgen joq! Siz aıtqan aqparǵa az ǵana aqparat quraly alańdasa, onyń jaýaby jaı ǵana   – bul aqparat quraldaryn ultyn súıetin azamattar basqaryp otyr degen sóz. Pikirińizge rahmet! Jýrnalıs jumysynyń jetistigi degen osy.