Qazaqstan musylmandary dinı basqarmasy ulyq, mereıli, meıirim merekesi – Qurban aıtty ulttyq naqyshpen, jan-jaqty daıyndyqpen ótkizýdi josparlap otyr, dep habarlaıdy Bnews.kz. Bundaı aqparatty QMDB baspasóz qyzmeti taratqan.

Bas múftı Erjan qajy Malǵajyulynyń bastamasymen oblys, aýdan ortalyqtary men qalalardaǵy meshit aýlalarynda kıiz úıler tigilip, múmkindigi shekteýli jandar úshin arnaıy dastarhan jaıylady. Qazaqtyń ulttyq sport túrlerinen (arqan tartys, qazaqsha kúres, gir tasyn kóterý, asyq oıyny, beltemirge tartyný, t.b.) saıystar ótkiziledi. Sondaı-aq, meshit aýlasynda balalarǵa arnalǵan arnaıy oıyn alańdary jumys istemek. Respýblıka boıynsha jetim búldirshinder men múgedekterge merekelik baǵdarlamalar ázirlenedi.

Musylman qaýymynyń ulyq merekesi – Qurban aıttyń qurmetine Almaty qalasynda M.Áýezov atyndaǵy Qazaq memlekettik akademıalyq drama teatrynda tuńǵysh ret rýhanı kesh ótedi. Keshte rýhanı sahnalyq qoıylymdar kórsetilip, dinı ánder men termeler oryndalady.

Bıyl qurban aıt qazan aıynyń 4-7 aralyǵynda toılanady, bul musylman kúntizbesi boıynsha Zúl-hıdja aıynyń 10-13 kúnderine sáıkes keledi.

Qamshy-aqparat