Astana prosesi qatysýshylaryna Elbasy Nursultan Nazarbaev Úndeý joldady. Jalpy kelissózder jabyq ótti. Kezdesý barysynan elordaǵa arnaıy kelgen 25 eldiń 400-ge jýyq tilshisi tikeleı habar taratty. Bul týraly  Qamshy  aqparattyq agenttigi  Habar arnasynyń málimetine súıenip habarlaıdy.
Resmı Damask pen Qarýly opozısıa serkeleri búgin birinshi ret kelissóz alańynda bas qosty.  Reseı, Iran, Túrkıa, AQSH, BUU-nyń ókilderi de solarmen dóńgelek ústeldiń basynda jınalyp, Sırıanyń taǵdyryna qatysty kúrmeýi sheshilmegen máselelerdi qaýzady. 
Roman Vasılenko, QR Syrtqy ister mınıstriniń orynbasary: -Bul kezdesý 8 aqpanda Jenevada ótetin jıynnyń aldyndaǵy daıyndyq ispepti shara. Biraq Astana prosesi Jeneva kelissózderiniń balamasy emes. Kerisinshe, ony tolyqtyryp, laıyqty úles qosady deýge bolady.   
Eki kún ótetin basqosýǵa Qazaqstan bıligi qatyspaıdy. Bizdiń el tek ashyq pikir alańyn usynyp otyr.  Bul rette Qazaqstan taraptarǵa teń jaǵdaı jasaǵanyn atap ótý kerek. Ony mynadan-aq ańǵarýǵa bolady.  Tanystyrý paraqshalaryna eki jaqtyń atyn atap, túsin tústemeı, tek Sırıa Arab Respýblıkasy dep jazǵan. 
Elbasy taraptarǵa Úndeý joldady. Ony qyzmetine jýyrda ǵana kirisken elimizdiń Syrtqy ister mınıstri Qaırat Ábdirahmanov oqydy.
 Qaırat Ábdirahmanov, QR Syrtqy ister mınıstri: -SHamamen 6 jyl boıy jalǵasyp jatqan qantógis túrli órkenıet pen mádenıet toǵysqan ólkege qaıǵy-qasiretten basqa eshteńe ákelmedi. Beıbitshilikti nasıhattaıtyn Qazaq eli BUU Qaýipsizdik keńesiniń turaqty emes múshesi retinde Taıaý Shyǵys óńirindegi qaýipsizdik pen turaqtylyqtyń ornap, bekı túsýine múddelilik tanytady, - Qazaqstan Respýblıkasynyń Prezıdenti N.Nazarbaev.
Alaıda 6 jylǵa sozylǵan Sırıa qaqtyǵysynyń jaıy Astanada bir kúnde sheshile qoımasy anyq. Kelissózdiń qıyn bolatynyn sheteldik jýrnalıser de aıtyp otyr.
Andreı Afanasev, sheteldik jýrnalıs : -Bul jıynǵa opozısıalyq top ókilderiniń qatysqany qyzyǵýshylyqty arttyryp otyr. Sebebi Sırıa opozısıasy degen túsinik birkelki emes. Ondaǵan saıası kúshtiń árqaısysy ózin «sırıalyq opozısıa» dep ataıdy. Men geosaıası baǵdarlamanyń avtory retinde delegattardyń pikirin bilgim keledi.  
 Astana prosesin búkil álem baqylady. Tilshiler nátıjesin kútip, sońǵy málimdemeler «Qazmedıa ortalyǵynan» tikeleı efırde taratyldy. 
Ústel basynda kim, qalaı jáne kimge qarsy otyrǵandyǵyn da qalt jibermedi. Kópten kútken dıalogqa baqylaýshy retinde qatysqan AQSH elshisi BUU-nyń ókili men sırıalyq opozısıanyń dál ortasynda otyrǵanyn da jarysa jazdy. Astana prosesinen habar taratýǵa kelgen sırıalyq tilshi Alla Ibragım sondaǵy qaıǵy jaıly oı bólisti. 
Alla Ibragım,  tilshi /Sırıa/: -6 jylǵa sozylǵan soǵys halyqty ábden sharshatty. Mysaly Damaskide 22 kún aýyzsý bolǵan joq. Oqtyn-oqtyn jaryq óship turady. Halyq beıbit kúndi ańsaıdy. Atylǵan oqtyń daýysynan ábden jalyqty. Sondyqtan biz osy  kelissózderge úlken úmit artyp otyrmyz.
Zaınur Baıjigit, tilshi : -Sırıadaǵy jaǵdaı búginde álemdik qaýymdastyqtyń bas qatyrǵan basty máselesine aınalǵan. Sebebi onyń keri áserin sırıalyqtar ǵana emes, jahan jurty da sezip otyr. Terorızm taralyp, zańsyz mıgrasıa beleń aldy. Sondyqtan Qazaqstan ǵana emes, búkil álem Sırıa máselesin beıbit sheshýge múddeli. Sol sebepti Astana prosesiniń mańyzy      óte     joǵary. 
Sholýshy: Aqerke Maratqyzy