Jyl boıy toılanyp kele jatqan Er Jánibek batyrdyń 300 jyldyq mereıtoıy qazan aıynda prozalyq shyǵarmalarǵa arnalǵan báıgemen jalǵasty. Bul sharany "Er Jánibek" halyqaralyq qoǵamdyq qory uıymdastyryp otyr. Tilimizge tıek bolyp otyrǵan prozalyq músháıranyń qorytyndysy shyqty. «Eline uran bolǵan Er Jánibek» dep atalatyn báıge Er Jánibek Berdáýletulynyń erlik isterin, qolbasylyq qasıetin, qoǵam jáne saıası qaıratker retinde atqarǵan qyzmetterin, sheshendik tapqyrlyǵy men ádil bıligin nasıhattaý, sol arqyly qazaq ádebıetiniń damýyna úles qosý maqsatynda uıymdastyrylyp otyr. Sonymen birge, qalamgerlerge qoldaý kórsetý, joǵary deńgeıdegi shyǵarmalardy ómirge ákelýge yntalandyrý, shyǵarmalaryn oqyrmandar arasyna keńinen nasıhattaý, jas býyndy ulttyq mádenı qundylyqtarǵa qyzyqtyrý, tarıhı tulǵalardyń erlikteri men ónegeli isterin nasıhattaı otyryp qazaqstandyq patrıotızmge tárbıeleýdi kózde ustaǵan.

Baıqaýdy baǵalaý komısıasynda QR eńbek sińirgen qaıratkeri, jazýshy Dıdahmet Áshimhan, Qazaqstannyń mádenıet qaıratkeri jáne M. Maqataev atyndaǵy syılyqtyń laýreaty, «Aqıqat» jýrnalynyń bas redaktory, aqyn Amanhan Álim, kórnekti aqyn, halyqaralyq «Alash» ádebı syılyǵynyń laýreaty Járken Bódeshuly, aqyn, ustaz Murat Shaımaranuly. Ádilqazylar alqasynyń tóraǵasy fılologıa ǵylymdarynyń doktory, profesor, jazýshy Káken Qamzın boldy.

Bas júlde:

Qanat Ábilqaıyr – «Qarǵa tamyr»(áńgime);

Birinshi oryn:

Murat Almasbekuly – «Úsh beıit»(áńgime);

Ekinshi oryn:

Ulan Bapaı – «Altaıdan bıik asqar bar»(áńgime);

Meıirjan Áýelhanuly – «Arystan kól»(áńgime);

Úshinshi oryn:

Aıgerim Amalbekova  - «Eline uran bolǵan Er Jánibek»(áńgime);

Baqytbek Qadyruly – «Keri tús»(áńgime);

Sarqytqan Qaster – «Er Jánibek kózindeı eski sandyq»(esse);

Arnaıy júlde:

Qoıshybek Múbarak – «Bórili kósh»(áńgime)

Bátıma Ahmetova – «Áýlıe bulaq»(áńgime)

Abylaıhan Esimbaı – «Eline qorǵan bolǵan Er Jánibek»(áńgime)

Qýanysh Qappas – «Altaıda arman kóp»(áńgime)

Saodat Ordasheva – «Qan maıdanda qaıtys bolǵan qarǵashym»(áńgime)

Jeńimpazdarǵa taǵaıyndalǵan júldeler:

Bas júlde – bireý; İ oryn – bireý; İİ oryn – ekeý; İİİ oryn – úsheý; Arnaýly júldeler – beseý.