Múmkindigi shekteýli jandardyń ómir sapasyn arttyrý maqsatynda Óskemende «Nur Otan» partıasynyń SHQO partıalyq baqylaý komısıasy qala ishinde beıimdelgen monıtorıń júrgizdi, dep habarlaıdy Qamshy.kz portaly SHQO Aqparattyq ortalyǵyna silteme jasaı otyryp.

Tekserýden buryn baqylaý komısıasy Sankt-Peterbýrgten ákelingen jyljymaly pandýsty tamashalady. Germanıalyq «Boıng» zaýytynan shyqqan pandýstyń quny 1 mln. 200 myń teńge. Alúmınıden jasalǵan zamanaýı jabdyq tasymaldaýǵa bolarlyq yńǵaılylyǵymen erekshelenedi.

Baqylaý nysandaryn tekserýdi komısıa «Úlbi» halyqqa qyzmet kórsetetin qalalyq-aýmaqtyq ortalyǵynan bastady. Ortalyqta múgedekterge túgel derlik jaǵdaı jasalǵan. Arnaıy baspaldaqqa shyǵýǵa arnalǵan gıdrokótergish qyzmetkerlerge taptyrmas jabdyq. Gıdrokótergish arqyly arbadaǵy múgedekti 3-4 mınýtta 2 qabatqa shyǵarýǵa bolady. Sondaı-aq, ortalyqta keń aýqymdy jedelsaty arqyly júrýge múmkindik bar.

– Ortalyq 10 baldyq kórsetkishpen eseptegende 9 baldyq deńgeıde beıimdelgen. Qalalyq № 19, 26, 37 mektepterdiń beıimdiligi qalypty deńgeıde. Bul salada pandýs barlyq mekemelerde bolýy mindetti. Alúmındi zamanaýı pandýs bolmasa da sementten jasalǵan pandýstardy salýǵa kóp qarajat jumsalmaıdy, – dedi komısıa ınspektor Jádiger Qanapın.

№ 37 mektepte aqyl-esi damýy tejelgen balalarǵa 6 synyp, nashar estıtinder 1 synyp jasaqtalǵan. Mektep dırektory Inna Grachevanyń aıtýynsha, mektepte múmkindigi shekteýli balalarǵa barlyq jaǵdaı jasalǵan. «Arnaıy synyptardy tıpti baǵdarlamalarmen oqytamyz. Bul salada mektepte balalarmen psıhologtar men logopedtar jumys atqarady», – dedi Inna Gracheva.