Shaǵyn jáne orta bıznestiń negizgi máselelerin talqylaý, kásipkerlerge keńes bere otyryp, suraqtaryna jaýap berý maqsatynda SHQO iri konsaltıńtik kompanıa qataryndaǵy Parasat consulting JSHS ókili Óskemen qalasynda master klass ótkizdi, - dep habarlaıdy Qamshy.kz portaly SHQO baspasóz qyzmetine silteme jasaı otyryp.

SHQO kásipkerler palatasy men «DAMU» kásipkerlikti damytý qorynyń» qoldaýymen, «Bıznestiń jol kartasy – 2020» memlekettik baǵdarlamasy aıasynda  Parasat consulting JSHS «Marketıń jáne bıznes-josparlaý negizi» taqyrybynda master klass ótkizdi.

Shara maqsaty – qatysýshylardy marketıń pen bıznes josparlaý salasynyń negizgi tendensıalarymen tanystyrý. Master klassqa qatysý arqyly kásipkerler bir-birimen keńese otyryp, tájirıbe almasý arqyly óz usynysyn da bildire alady.

Erikti tyńdaýshylar da ere kelgen bas qosýda kompanıa ókili jeke bıznes qurý ıdeıasy men jumystaǵy marketıńti quraldardy qoldaný týraly tájirıbelik sabaq ótkizdi. 30 kásipker qatysqan otyrysta marketıń pen bıznes josparlaýdyń mańyzdy suraqtary talqylandy. Máselen, básekege qabiletti kásipkerlikti qalyptastyrý úshin «bıznes zertteý» isin qolǵa alý kerek. Sondaı-aq, túsim men óristeýdi bıznestiń qos maqsaty dep biletin kásipkerlerge taýar nemese qyzmettiń sapasy jóninde paıdaly aqyl-keńester aıtyldy.

– Kásibimdi óristetý úshin master klassqa keldim. Kompanıa ókili birqatar suraqtaryma jaýap berdi. Shynymdy aıtsam, «bıznes zertteý» salasyna kóp kóńil bólip kórmeppin. Keleshekte de kásipkerlikti qoldaıtyn osyndaı sharalardyń ótip turǵanyn qoldaımyn, – deıdi jas kásipker Erik Quljynov.

Master klass sońynda qatysýshy kásipkerlerge sertıfıkat tapsyryldy.