Astana kúni qarsańynda Bas prokýratýrada saltanatty jınalys bolyp ótti, dep jazady Qamshy aqparat agenttigi.

Bas prokýror áriptesteri men ardagerlerdi shyn júrekten merekemen quttyqtady. Quttyqtaý barysynda J.Asanov tarıh betterine sholý jasap,  biregeı eýrazıalyq fenomenniń negizin salýda Astananyń beınesine tereń saıası jáne rýhanı maǵynanyń irgetasyn qalaǵan Memleket basshysy – Ult kóshbasshysy N.Á.Nazarbaevtyń súbeli úlesin atap ótti.  

J.Asanov: «Búgin árbir qazaqstandyqtyń kókeıin bizdiń ásem astanamyz úshin maqtanysh sezimi kernep tur. Barlyq qazaqstandyqtar sıaqty biz de eńbegimiz arqyly osyǵan úles qosýdamyz, sonymen qatar ol bizge bıik shyńdardy baǵyndyrýda baǵyt beredi»,- dedi.

Prokýrorlar qımas sezimmen aǵa býyn áriptesterin qurmetti zeınetkerlik demalysqa shyǵaryp saldy.

Bas Prokýror ómirleriniń úlken bóligin zańdylyqty nyǵaıtýǵa arnap, eleýli úles qosqan eńbekterine alǵysyn bildirdi, árqaısysynyń jeke jáne kásibı tulǵa retindegi qadir-qasıetterin atap ótip, olarǵa zor densaýlyq pen amandyq tiledi.

«Qurmetti ardagerler! Sizder laıyqty zeınet demalysyna shyǵyp bara jatqandaryńyzben, boılaryńyz áli kúsh-qaıratqa toly. Ózderińizdiń sheberlikterińiz ben tájirıbelerińizdi paıdalanyp, odan ári de qoǵamdy damytýǵa  úles qosasyzdar dep senemin. Sizderdi jas mamandarmen tájirıbelerińizben bólisýge jáne olarǵa úlgi kórsetýge shaqyramyn», - dep qorytyndylady J.Asanov.