Arab telearnasynyń tilshisi Djenan Mýsa DAISH sodyrlarynyń áıelinen suhbat aldy. DAISH baskeserleriniń áıelderi Sırıanyń soltústigindegi Rakkı aımaǵynda bosqyn retinde turyp jatyr. Tilshiniń aıtýy boıynsha, álgi áıelder kúıeýleriniń qylmys jasaǵany úshin emes, kózine shóp salyp, basqa áıelge barǵany úshin ýaıymdap otyr eken. Bosqyn bolǵan 7 áıeldiń kúıeýi ózge qalalarda túrmede otyr, tipti keıbireýi ólip te qalǵan. Al bosqyn áıelder kúıeýleriniń seksýaldyq-quldyqtaǵy qyzdardy zorlaıtynyna qapalanyp otyr.

Áıelderdiń biriniń aıtýy boıynsha, jendetterdiń árqaısysynyń telefonynda basqa áıeldermen sóılesýge arnalǵan arnaıy baǵdarlama bar eken. Terrorıster qarapaıym áıeldi 2-3 myń dollorǵa satyp alady. Alaıda eger satylymda turǵan naǵyz qyz bolsa, onyń baǵasy 10 myń dollorǵa deıin ósýi múmkin.

«Bizdiń kúıeýlerimiz seksýaldyq-quldyqtaǵy qyzdarǵa kóp aqsha jumsaýda. Tipti olarǵa opa-dalap pen kıim satyp alyp berip jatyr. Biz osyǵan alańdap otyrmyz. Biz kúıeýlerimizdi sırek kóremiz. Olar bostan-bosqa áıelderge aqsha qurtyp jatyr», -  deıdi áıelderdiń biri.

Kúıeýlerine renjip júrgen áıelder quldyqtaǵy áıelderge qashýǵa kómektesedi eken. Biraq olar quldyqtaǵy áıelderdi aıaǵandyqtan emes, kúıeýlerin qyzǵanǵandyqtan kómektesedi. Kúıeýlerin qyzǵaǵany sonshalyq bosyn áıelder qashyp ketken áıelderdi ustap alsa da qınalmaıdy eken. Qashqyn áıelderdi ustap alǵan kezde olardy jazalaý úshin óltirip tastaýy da múmkin. Biraq bosqyn áıelder ol týraly múldem oılaǵysy kelmeıdi. Sebebi olarǵa quldyqtaǵy áıelderdiń joq bolyp ketkeni ǵana mańyzdy.

Aýdarǵan: Ásel Bolatqyzy