Atyraý oblysyndaǵy Qashaǵan ken ornyn óńdeýshi NCOC kompanıasy IT salasyndaǵy qaýipsizdik júıesin kúsheıtpekshi, dep habarlaıdy «QazAqparat» HAA. 

«2017 jyldyń 12 mamyrynda NCOC kompanıasy WannaCry zıandy baǵdarlamasyn paıdalana otyryp, álemdegi kıber shabýylǵa ushyraǵan kompanıalardyń biri atandy. IT boıynsha tıimsiz qyzmetter men barlyq qoldanýshylardyń paıdalaný múmkindigi dereý qalpyna keltirildi. Atalǵan shabýyl munaı óndirýge qatysty óndiristik operasıalarǵa áser etken joq. Sondaı-aq, óndiristik qaýipsizdikti qamtamasyz etýde de eshqandaı másele týyndamaǵan. Qazirgi ýaqytta IT-ge qatysty barlyq operasıalar shtattyq tártippen júzege asyrylýda. NCOC kompanıasy bolashaqta mundaı shabýyldardy boldyrmaý maqsatymen IT salasyndaǵy qaýipsizdik júıesin kúsheıtý jumystaryn jalǵastyrady», - dep habarlady agenttik suraǵyna jaýap bergen kompanıanyń baspasóz qyzmeti.

Aıta keteıik, 12 mamyr, juma kúni NCOC kompanıasynyń aqparattyq qaýipsizdik júıesinde shamamen saǵat 18.00-de kompanıa serverlerine vırýstyq shabýyl jasalǵandyǵy tirkeldi. Saqtandyrý sharasy retinde ınternet jelisine jáne korporatıvtik poshtaǵa ený toqtatyldy. Kıber shabýyl serverlerdiń 10-20%-y men NCOC kompanıasynyń kompúterlerin sharpyǵan bolatyn.