Úkimet basshysy Navaz Sharıf sybaılas jemqorlyqqa qarsy tergeýdiń saldarynan bılikten alastatylǵan soń otstavkaǵa shyqty, dep jazady Qamshy.kz aqparat agenttigi. Bul týraly Premerdiń baspasóz qyzmeti habarlaıdy. Budan buryn jemqorlyqqa qarsy tergeý barysynda Pákistan Joǵarǵy soty Sharıfti bılikten alastatqany habarlanǵan.

Baspasóz qyzmetinde habarlanǵandaı, Sharıf sot prosesindegi qatań eskertýlerge qaramastan, otstavkaǵa shyqqan.

2016 jyldyń sáýirinde jarıalanǵan Mossack Fonseca zań fırmasynyń qujattarynda premer-mınıstr Navaz Sharıftiń eki uly men qyzy brıtanıalyq Vırgın aralyndaǵy úsh iri kompanıany basqaratyny jazylǵan.

Sáýirde Joǵarǵy sottyń 5 sýdıasynyń úsheýi atalmysh is boıynsha arnaıy tergeý jumystaryn júrgizýge nıet etken. Aldyńǵy aptada úsh sýdıadan turatyn komısıa 10 tomdyq baıandamany qarap shyqty.

Sharıfti bılikten alastatý jóninde sheshim biraýyzdan qabyldanǵan. Sot premerge qarsy qylmystyq is qozǵaýdy tapsyrdy.