Elimizdiń Mádenıet jáne sport mınıstrligi men Din isteri jáne azamattyq qoǵam mınıstrligi «100 naqty qadam» – Ult Josparynyń 4 baǵyty aıasynda, atap aıtqanda 85,86,87,88,89 qadamdardy iske asyryp keledi. Olardyń ishinde búgingi tańda 85, 86, 87 qadamdar oryndalyp, 89, 90 qadamdar boıynsha naqty sharalar atqarylýda.

85-qadam, ıaǵnı «Máńgilik El» patrıottyq aktisin júzege asyrý boıynsha, Birtektilikti nyǵaıtý jáne qazaqstandyq birlikti damytý Tujyrymdamasy ázirlendi. 86-qadamdy iske asyrý aıasynda Qazaqstan Respýblıkasynyń týrısik salasyn 2023 jylǵa deıin damytýdyń jańa Tujyrymdamasy qabyldandy. Onymen qosa, Jańǵyrý 3.0 aıasynda týrızm salasy otyn-energetıkalyq, agrarlyq-ónerkásip keshenderi, ındýstrıalandyrý, saýda jáne kólikpen qatar 6 negizgi basymdyqtyń qataryna qoıylǵan. Týrızmdi damytý saıasaty geografıalyq jaǵynan Qazaqstandy tutas qamtıtyn qajetti ınfraqurylymy bar 6 óńirlik mádenı-týrıstik klasterlerdi qurýǵa baǵyttalǵan. Óńirlerdiń ereksheligin eskere otyryp, sakraldi, ekologıalyq, ańshylyq-oljalyq, mádenı-tanymdyq, medısınalyq, sporttyq sıaqty ózge de Qazaqstan úshin jańa týrızmniń túrlerin damytýǵa basty nazar aýdarylmaq. 87-qadamdy iske asyrý boıynsha, Mádenıet jáne sport mınıstrligi óńirlerde mýzeıler men Dostyq úılerinde jáne Ulttyq mýzeıde QHA tarıhy jáne Qazaqstannyń kóp etnıkalyǵy zaldaryn qurdy. «Qazaqstan ensıklopedıasy» QR SİM-men birge «Uly Dala Eli» Qazaqstan týraly sıfrlyq ensıklopedıa shyǵarý boıynsha tolyǵymen iske asyrylǵan joba retinde baqylaýdan alyp tastaldy.
Din jáne azamattyq qoǵam mınıstrliginiń jumysy turǵysynda atalǵan Qadamdy iske asyrý boıynsha aldaǵy jumys aıasynda memlekettik áleýmettik tapsyrys salasyna qatysty zańnamaǵa ózgerister engizý kózdelgen. Memlekettik áleýmettik tapsyrys aıasynda usynylatyn qyzmetterdiń sapasyn arttyrý úshin halyqaralyq tájirıbeni eskere otyryp, qyzmet kórsetý naryǵy jetildiriledi. Memlekettik áleýmettik tapsyrys aıasynda taqyrypty qalyptastyrýǵa qoǵamnyń qatysýyn keńeıtý memlekettik áleýmettik tapsyrysty baǵalaý, ÚEU qyzmetterdiń standarttaryn engizý arqyly memlekettik áleýmettik tapsyrysty monıtorıńileý jáne baǵalaýdyń biryńǵaı júıesi ázirlenbek. 88-shi qadam da iske asyrylǵanyn atap ótkenimiz jón.
«Nurly bolashaq» (89-qadam) ulttyq jobasynyń aıasynda mekteptik bilim berýdiń qoldanystaǵy oqý baǵdarlamalaryna Máńgilik el qundylyqtaryn engizý qarastyrylatyny belgili.
Atalǵan Qadam boıynsha tilderdi damytý salasynda Qazaqstan Respýblıkasynda tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasyn iske asyrýdyń İİ kezeńi (2014-2016 jyldar) aıaqtalyp, Qazaqstan Respýblıkasyndaǵy tilderdi qoldaný men damytý memlekettik baǵdarlamasyn iske asyrýdyń 2017-2019 jyldarǵa arnalǵan sharalar jospary bekitilgen. Memlekettik baǵdarlamanyń úshinshi kezeńi (2017-2019 jj.) aıasynda memlekettik tildi oqytýdyń ádisnamasyn jetildirý, memlekettik tildi oqytý prosesin yntalandyrý, til mádenıetin jetildirý, Qazaqstandaǵy tildik áralýandyqty saqtaý, qoldaý, aǵylshyn jáne basqa da shet tilderin oqyp-úırený baǵytyndaǵy jumystar jalǵaspaq. Bul oraıda Memlekettik tildi dáripteý jáne ózge tilderdi bilý maqsatynda respýblıkalyq konkýrstardyń («Tekti sózdiń tóresi – terme», «Memlekettik til jáne BAQ», Abaı atyndaǵy kórkemsóz oqý sheberleriniń dástúrli respýblıkalyq baıqaýy, «Memlekettik til – memlekettik qyzmette», «Til sheberi», «Tildaryn») erejeleri ázirlengen. Sonymen qatar bıyl 15 aqpanda Qazaqstan Respýblıkasy Úkimetiniń janyndaǵy Respýblıkalyq termınologıa komısıasynyń otyrysy ótkizilip, zańnamalyq aktilerde jıi qoldanylatyn termınder, sondaı-aq mádenıet salasy termınderi qarastyryldy. Komısıa sheshimi boıynsha 100-den asa termın bekitilip, ataýlardy ózgertýge baılanysty 28 usynys qabyldandy. «Memlekettik tildi oqytý: ádis, tájirıbe, ınovasıa» taqyrybynda respýblıkalyq semınar-keńes bolyp ótti. İs-shara memlekettik tildi oqytý ádistemesin jetildirý, tájirıbe almasý maqsatynda uıymdastyryldy. Budan bólek, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn talqylaý maqsatynda «Tamyry tereń álipbı: jalpytúrkilik biregeıliktiń myzǵymas negizi» atty halyqaralyq ǵylymı-praktıkalyq konferensıa ótkizildi. Osy qadamnyń aıasynda qolǵa alynǵan is-sharalar qatarynda Astana qalasynda ótkizilgen «Qazirgi termınjasamnyń ózekti máseleleri» atty semınar-keńesti, sondaı-aq Shymkent qalasynda «Onomastıka salasyndaǵy jumystardy uıymdastyrýdyń ózekti máseleleri» taqyrybynda respýblıkalyq semınardy aıtýymyzǵa bolady. Barsha qaýymǵa belgili, bıyl Elordamyzda 22-25 maýsym aralyǵynda Dúnıejúzi qazaqtarynyń V quryltaıy ótkizilip, oǵan álemniń 39 elinen 350-ge jýyq adam shaqyryldy. Quryltaı aıasynda Memleket basshysynyń qatysýymen saltanatty jıyn ótkizildi, birqatar mınıstrlikterde dóńgelek ústelder uıymdastyryldy, EKSPO pavılonyna barý jáne t.b. sharalar atqaryldy.
Din isteri jáne azamattyq qoǵam mınıstrliginiń jumysy boıynsha, jastardyń tabysty áleýmettenýine baǵyttalǵan, memlekettik ­jastar saıasatynyń tıimdi modelin qalyptastyrýdy aıaqtaý Memlekettik jastar saıasatynyń 2020 jylǵa deıingi tujyrymdamasynyń ekinshi kezeńiniń negizgi maqsaty bolyp tabylady. Bıyl 10 qańtarda Qazaqstan Respýblıkasy Úkimetiniń otyrysy ótkizilip, onda memlekettik jastar saıasatyn iske asyrýdyń ózekti máseleleri talqylandy.
«Aqparattyq qamtý jáne ilgeriletý (90-qadam) boıynsha Mádenıet jáne sport mınıstrligi tarapynan qazaqstandyq mádenıetti, tarıhı tulǵalar men qazirgi zaman qaıratkerlerin tanytý maqsatynda elimizdiń ejelgi kezeńinen bergi tarıhy, qazaqstandyq mádenıet, elimizdiń qazirgi zamanǵy ómiri, tarıhı tulǵalar men azamattar – «bizdiń zamanymyzdyń qaharmandary» týraly baıandaıtyn aýqymdy kıno- jáne telejobalardy jasaý jóninde 2015-2020 jyldarǵa arnalǵan «Máńgilik El» keshendi jospary iske asyrylýda. Taqyryptyq josparǵa sáıkes qolǵa alynǵan kóptegen kınotýyndylardy aıtýymyzǵa bolady.

Aıtýǵan Dáýlet