Avstralıada  ustalǵan terrorıster  Etihad Airways atalatyn emırattyq áýekompanıasynyń ushaǵyn jarmaq bolǵan. Onyń baǵyty- Sıdneı-Abý-Dabı bolǵan. Bul týraly Qamshy.kz aqparat agenttigi TASS-qa silteme jasap habarlaıdy.

Senbi kúni bolyp ótken  antıterrorıstik qımyldardan keıin sheteldik basylymdar ustalǵandardyń esimderin jarıalady. Olar Haled Merhı, onyń uly Abdýl Merhı, Haled Haıat jáne týysy Mahmýd Haıat.

«Bul tórteýi Sırıa sodyrlarymen baılanysta bola otyryp, ushaqtyń kózin joımaqshy boldy» dep jazady  Daily Telegraph basylymy. Avstralıalyq quqyq qorǵaý organdary josparlanyp jatqan terrakt týraly AQSH pen Ulybrıtanıa arnaıy qyzmetterinen habar alǵandyǵy belgili boldy.

Qazirgi ýaqytta avstralıalyq áýejaılarda engizilgen qaýipsizdik sharalarynyń esebinen jolaýshylardyń uzaq kezekteri paıda bolǵan.

Dúısenbi kúni eldiń premer-mınıstri Malkolm Ternbýll qaýipsizdik sharalary áli de belgili-bir ýaqytqa deıin saqtalatynyn jetkizdi.