Halyk Bank jáne Qazkom óz bólshek klıentterine barynsha yńǵaıly bolý úshin júıelerdi jáne ónimderdi biriktirý úderisin jalǵastyrýda: 1 tamyzdan bastap Halyk Bank  jáne Altyn Bank klıentteri úshin Qazkom cash-in fýnksıasy bar bankomattarynan tólem kartalaryn teńge jáne AQSH dollary boıynsha tolyqtyrý jańa qyzmeti paıda boldy dep habarlaıdy Qamshy.kz aqparat agenttigi.  Halyk Bank jáne Altyn Bank kartasyn ustaýshylary úshin tólem kartalaryn tolyqtyrý sátinde komısıalar alynbaıdy. Endi Halyk Bank jáne Altyn Bank klıentteri Halyk+Qazkom bankomattar jelisinde qos banktiń kez kelgen bankomatynan óz kartalyq shotyn tolyqtyrýda eshqandaı aıyrmashylyq kórmeıdi.

2017 jylǵy 1 shildede Halyk Bank cash-in fýnksıasy bar 559 bankomat ornatsa, Qazkom qolma-qol aqsha qabyldaý fýnksıasy bar 465 qurylǵyny ornatty. Búkil Qazaqstan boıynsha Qazkom+Halyk biryńǵaı bankomattar jelisiniń qurylǵylar sany 4659 qamtıdy jáne elimizdegi árbir ekinshi bankomat - Halyk+Qazkom jelisi bolyp tabylady.

2017 jylǵy 1 shildedegi kórsetkishter boıynsha Halyk Bank jáne Altyn Bank shyǵarǵan kartalar sany – 6 mln. tólem kartalarynan asty.

Tamyz boıy iske asyrylyp Halyk Bank cash-in fýnksıasy bar bankomattar boıynsha Qazkom klıentterine de osyndaı usynystardyń jasalýy kútilýde.