Portýgalıa quramasynyń jáne madrıdtik "Real" klýbynyń fýtbolshysy Krıshtıaný Ronaldý dúısenbide, 31 tamyzda, salyq tólemegeni úshin sot aldynda jaýap berdi  dep habarlaıdy Qamshy.kz aqparat agenttigi vesti.kz-ke silteme jasaı otyryp.

Eger Ronaldýdyń kinási tolyǵymen dáleldense, ol jeti jylǵa sottalýy múmkin. Merzimdi eki esege qysqartqannyń ózinde, jazany shartty merzimge aýystyrýǵa kelmeıdi.

Sot otyrysy portýgalıalyq shabýylshy úshin eń tıimdi aıaqtaldy degenniń ózinde negizgi belgilengen merzimniń tórtten úsh bóligi qysqarýy múmkin. Osylaısha Ronaldý shartty túrde 21 aıǵa sottalady. 11 tamyzǵa deıin fýtbolshy isti jeńildetýge múmkindigi bar.

Eske salaıyq, Ispanıa prokýratýrasy Ronaldýǵa qatysty 2011-2014 jyldary aralyǵynda 14,7 mıllıon eýro salyq tólemedi dep is qozǵaǵan. Portýgalıalyq óziniń kinásizdigin alǵa tartty. Oıynshy sýdıanyń suraqtaryna 90 mınýt boıy jaýap berdi, alaıda BAQ ókilderimen kezdesýden bas tartty.