AQSH vıse-prezıdenti Maık Pens Estonıadaǵy saparynda Baltyq elderi úshin Reseıden artyq qaýip joq ekenin málimdedi, dep jazady Qasmhy.kz aqparat agenttigi.

Penstiń aıtýynsha, Máskeý halyqaralyq shekaralardy kúshtep jabýdy, egemen memleketterdiń demokratıasyna nuqsan keltirýdi, Eýropanyń erkin elderin bir-birine qarsy aıdap salýdy jalǵastyryp keledi.

Estonıa, Latvıa, Lıtva elderiniń prezıdentterimen kezdesýden soń AQSH-tyń Baltyq memleketteriniń qaýipsizdigin qadaǵalaıtynyna daıyn ekenin málim etti. Al Reseı Belarýsıa áskerimen tamyzda bolatyn iri áskerı jattyǵýǵa daıyndyq ústinde.

Onyń ústine, Pens Reseıdegi amerıkalyq dıplomattardyń qysqarýy AQSH-tyń rýhyn túsirmeıtinin de tilge tıek etti. «Máskeý qabyldaǵan dıplomatıalyq sheshim odaqtastarymyzdyń, búkil álemniń qaýipsizdigine nuqsan keltirmeıdi», - dedi Pens.

Aıta keteıik, AQSH vıse-prezıdenti Maık Pens jary Karenmen dúısenbide Grýzıaǵa bardy. Grýzıa premer-mınıstri Georgıı Kvırıkashvılımen Tbılısıdegi «Mtasmında» meıramhanasynda kezdesti.