Onsyz da qytaı bıliginen zardap shegip kele jatqan uıǵyr halqynyń endigi tili de sónýdiń sál aldynda tur. Sınszán-Uıǵyr avtonomıasynyń bıligi aýdandaǵy mektepke deıingi ortalyqtar men orta mektepterde uıǵyr tiliniń oqytylýyna tyıym saldy. Bul týraly yenicag.ru portaly habarlaıdy.

Bılik 56 kishi ulttardy moıyndaǵanyna qaramastan, elde «gomogendi» qoǵam qalyptastyrýǵa tyrysyp baǵýda. Sondaı-aq ózge ulttardyń, onyń ishinde túrki tildi uıǵyrlardyń mádenıetin tas-talqan etýdi kózdep otyr.

Derekterge sáıkes, mektep baǵdarlamasynda uıǵyr tilin oqytýǵa tyıym salý týraly úkimdi Hotan provınsıasynyń bilim berý organdary shyǵarǵan.

Qujatta kórsetilgendeı, mektepterde bir tildi dáripteýdi talap etý kerek. Kúzde oqý jyly bastalǵan ýaqytta qytaı tili bastaýysh synyptarǵa jáne orta synyptarǵa oqytylatyndaı baǵdarlama daıyn turý kerek.

Osy ýaqytqa QHR uıǵyrlardyń qundylyqtaryn joıýǵa tyrysyp keldi. Máselen, musylmandyqtan aıyrmaq boldy. Uıǵyrlar óz balalaryna musylman esimin bere almaıtyn halge jetti. Sondaı-aq, Ramazan aıynda kúndiz tamaqtanýdan bas tartýǵa qytaılyq uıǵyrlardyń qaqy joq edi.

Resmı derekke súıensek, aýdanda 10 mıllıonǵa jýyq uıǵyrlar ómir súretin kórinedi.