Sınoptıkter aldaǵy úsh kúnde naızaǵaı oınap, jańbyr jaýady, daýyl turady dep otyr. Keıbir óńirlerde qatty jel soǵyp, burshaq jaýýy da yqtımal, dep habarlaıdy Qamshy.kz aqparat agenttigi KTK arnasyna silteme jasap.

Sóıtip, shildeniń aptap ystyǵynyń beti qaıtatyn sıaqty. Ásirese, elimizdiń soltústiginde jaýyn-shashyn kóbeıip, jel turady. Sınoptıkterdiń boljaýynsha, aýa temperatýrasy +18-23 gradýsty kórsetedi.

Bir aı boıy túni qapyryq, kúni ystyq bolǵan Batys, Shyǵys, Ońtústik Qazaqstan oblystarynda da kún raıy ózgeredi. Turǵyndardyń mazasyn endi soqqan daýyl men jaýǵan burshaq alýy múmkin.

Al Astanada aıtarlyqtaı ózgerister baıqalmaıdy. Almatyǵa jaýyn tek aptanyń sońynda jaýady. Qyzylorda oblysynda daýyl soǵyp, jeldiń jyldamdyǵy sekýndyna 23-28 metrge jetedi dep kútilýde.