ÁESI sarapshylary Qorǵanys mınıstrligi janyndaǵy Ulttyq qorǵanys zertteýleri ınstıtýtynan (NIDS) kelgen japondyq áriptesterimen ótken kezdesý aıasynda halyqaralyq jáne aýmaqtyq qaýipsizdik, sonyń ishinde Ortalyq Azıadaǵy aımaqtyq uıymdardyń jumysy máselelerin talqylady. Kezdesý QR Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń Almaty qalasyndaǵy ókildiginde ótti dep habarlaıdy Qamshy.kz aqparat agenttigi.

Kezdesý barysynda sarapshylar Qazaqstannyń aldyńǵy qatarly damyǵan eldermen ózara yqpaldastyǵy men memleketimizdiń zamanaýı kezeńdegi syrtqy saıasatynyń basym baǵyttaryn qarastyrdy.

Mamandar Soltústik-SHyǵys Azıadaǵy jaǵdaıǵa qatysty ózara pikir almasty. ÁESI sarapshylary Soltústik Koreıanyń ıadrolyq baǵdarlamasy nátıjesindegi Koreı túbegindegi shıelenisken jaǵdaıdyń damýyna qatysty NIDS ókilderiniń baǵasyna qyzyǵýshylyq tanytty. ÁESI almatylyq ókildiginiń jetekshisi Asqar Nurshanyń sózinshe, Qazaqstan BUU Qaýipsizdik Keńesiniń turaqty emes múshesi retinde ǵana emes, sonymen qatar, ózine tıisti shekteýler qoıǵan memleket retinde de ıadrolyq qarýdyń taralmaý rejıminiń saqtalýyna múddeli.