Kókshetaý qalasynda «Áıelder júrgizedi» qaıyrymdylyq avtokerýeni aksıasy bastaldy. Bul aksıany uıymdastyrýshylar Aqmola oblysynyń isker áıelder qaýymdastyǵy dep habarlaıdy Qamshy.kz aqparat agenttigi. Atalǵan aksıa qaýymdastyqtyń qurylýynyń eki jyldyq qurmetine, múgedekterge, az qamtylǵan jáne kóp balaly otbasylarǵa áleýmettik kómek kórsetý maqsatynda ótkizildi, dep habarlaıdy Aqmola oblysy İshki saıasat basqarmasynyń Óńirlik komýnıkasıalar qyzmeti.

Ótken senbide Shortandy aýdanynda jeke kásipker, oblystyq máslıhattyń depýtaty, qaýymdastyqtyń tóraǵasy Irına Jýkova aýdandaǵy isker áıelderdi, avtokerýenniń qatysýshylaryn shashý shashyp, nan men tuz usynyp saltanatty túrde qarsy aldy.

Olan ári kóńildi jalaýshalarmen bezendirilgen, kóp balaly otbasylar úshin qaıyrymdylyq kómekpen tıelgen avtokólikter Shortandy kentiniń ortalyǵyna keldi. Aksıanyń jalǵasy retinde aýdandyq ákimdiktiń májilis zalynda aýdannyń túrli salasynyń belsendi áıelderimen bes túrli ınstıtýsıonaldyq reformalardy, kásipkerlik jáne laıf-koýchıng túsindirý boıynsha semınar ótkizildi.

Aýdan ákiminiń orynbasary Erlan Muhamedın áıelder qaýymyn qoshemettep, óziniń jyly júzdi, beıresmı sózinde, áıel búgingi kúni kúndelikti turmysqa, bala tárbıesine ǵana jaýapty emes, sonymen qatar eldiń ekonomıkalyq jáne qoǵamdyq ómirine eleýli úles qosatynyn atap ótti. Ol aýdan ómiriniń barlyq salasynda, atap aıtsaq,  memlekettik qyzmette, bilim berý salasynda, densaýlyq saqtaý salasynda jáne azamattyq sektorda áıelder laıyqty usynylatynyn aıqyn kýálandyratyn málimetterdi keltirdi.

İs-sharalar sońynda Shortandy aýdanynyń isker áıelderi estafetany qabyldap, qaıyrymdylyq avtokerýenine qosyldy, ol kelesi kúni Selınograd aýdanyna bet aldy.