2017 jyldyń 10 tamyz kúni, saǵ 14:30-da  «EKSPO-2017»  mamandandyrylǵan kórmesi aıasynda Túrkıa pavılonynda túriktiń «Ertuǵyryl» atty tarıhı týyndysynyń akterlerimen baspasóz máslıhaty ótedi. Kezdesý barysynda osy telehıkaıanyń keıipkerlerin somdaǵan  akterler - Nýrettın Sonmez (Bamsy Beırek), Djengız Djoshkýn (Týrgýt Alp) jáne rejıser Mehmet Bozdag pavılon qonaqtarynyń suraqtaryna jaýap berip, avtograf taratady, dep habarlaıdy Qamshy.kz aqparat agenttigi Qazaqstan ulttyq arnasyna silteme jasaı otyryp.

Eske sala keteıik, «Ertuǵyryl» telehıkaıasy «Qazaqstan» Ulttyq telearnasynan dúısenbi-juma aralyǵynda saǵat 22:35-te kórsetilip keledi. Atalmysh telehıkaıa İ Osmannyń ákesi Ertuǵyryl batyrdyń kórshiles jatqan talaı memleketterdiń záresin alǵan qas batyrlyǵy jaıynda. Onyń basty maqsaty – basqynshylyq saıasatyn ustanǵan vızantıalyqtardy basyp alý boldy. Ertuǵyryl osy maqsatyna jetkennen keıin de toqtap qalmaı, jaýgershilik saparyn jalǵastyryp, Azıa men Eýropanyń kóp bóligin ıelengen.