«Nurly jol» memlekettik baǵdarlamasynyń negizgi jobalary respýblıkalyq mańyzdaǵy avtomobıl joldarynyń qurylysy men rekonstrýksıasy bolyp tabylady.

Jalpy qoldanystaǵy Qazaqstan Respýblıkasy avtomobıl joldarynyń uzaqtyǵy 96,5 myń shaqyrymdy quraıdy (sonyń ishinde respýblıkalyq jeli – 23,7 myń shaqyrym, jergilikti jeli  – 72,8 myń shaqyrym).

Júrgizilgen jumystar

Jalpy, 2010 jyldan bastap respýblıkalyq mańyzy bar avtomobıl joldarynyń 5 myń shaqyrymynda rekonstrýksıa jáne kúrdeli jóndeý júrgizildi.

Nátıjesinde qazir respýblıkalyq mańyzy bar avtomobıl joldarynyń 85 %-y (2014 jyly – 84 %) jáne oblystyq jáne aýdandyq mańyzy bar avtomobıl joldarynyń 65 %-y  (2015 jyly – 68 %) jaqsy jáne qanaǵattanarlyq jaǵdaıda.

Jalpy, 2015-2016 jyldarda «Nurly jol» baǵdarlamasy boıynsha I jáne II-tehnıkalyq kategorıaly 1,3 myń shaqyrym avtojol rekonstrýksıalandy.

2015-2016 jyldary avtojol jobalaryn oryndaýǵa 616 mlrd. teńge, onyń – 329 mlrd. teńgesi Ulttyq qordan bólindi.

Bólingen qarajat tolyq ıgerildi jáne 9 joba iske asyryldy: Batys Eýropa – Batys Qytaı, Ortalyq – Ońtústik, Ortalyq – Shyǵys, Beıneý – Aqtaý, Almaty - Óskemen, Astana – Petropavl, Jezqazǵan – Petropavl, Aqtóbe – Atyraý jáne Oral – Kamenka.

Jalpy jol-qurylys jumystarymen Qazaqstannyń 12 aımaǵyndaǵy 2 myń km qamtyldy. Batys Eýropa – Batys Qytaı tranzıtti dálizi, Astana – Temirtaý, Almaty – Qapshaǵaı, Qapshaǵaı – Balpyq bı, Beıneý – Shetpe jáne Kókshetaý – Petropavl ýchaskeleri boıynsha qozǵalys tolyq ashyldy. Sonymen qatar, Pavlodar qalasyna Ertis óz. arqyly ótetin uzaqtyǵy 12 shaqyrymdy quraıtyn Ortalyq Azıadaǵy eń iri kópir ótkeliniń qurylysy aıaqtaldy.

Bıylǵy jyly avtojoldar rekonstrýksıasyna 356,2 mlrd. teńge, onyń ishinde Ulttyq qordan 143,5 mlrd. teńge bólindi.

Ortalyq – Ońtústik, Ortalyq – Shyǵys, Beıneý – Aqtaý,Aqtóbe – Atyraý, Qapshaǵaı – Taldyqorǵan, Astana – Petropavl, Oral –Kamenka jobalarynda qurylys jumystary jalǵasty. Olardyń jalpy uzyndyǵy – 1,2 myń shaqyrym. Birinshi jartyjyldyqta osy jobaalarda júrgizilip otyrǵan qurylys-montajdyq jumystardyń jyldyq mólsheriniń 32%-y oryndaldy. Jyl qorytyndysy boıynsha 602 shaqyrym jol qurylysyn aıaqtaý josparlanǵan, onyń ishinde Beıneý-Aqtaý jáne Almaty-Taldyqorǵan avtojoldary qurylysy tolyǵymen aıaqtalady.

Sondaı-aq jalpy uzaqtyǵy 2,5 myń shaqyrymdy quraıtyn Qandyaǵash - Maqat, Jetibaı - Jańaózen, Qurty - Býrylbaıtal, Taldyqorǵan - Óskemen, Merki - Býrylbaıtal, Qalbataý - Maıqapshaǵaı, Úsharal - Dostyq, Beıneý - Aqjigit, Taskesken - Baqty, Osınovskı asýy, Shýchınsk - Zerendi jańa jobalardy iske asyrýdy bastadyq.

Sondaı-aq, jyl sońyna deıin Aqtóbe - Qandyaǵash, Atyraý - Astrahan, Uzynaǵash - Otar, Astananyń Ońtústik - Batys aınalma jolyn jáne jalpy uzaqtyǵy 0,7 shaqyrym bolatyn Qostanaı - Denısovka jobalary boıynsha kelisimderdi bekitip, daıyndyq jumystaryn bastaý josparlanǵan.

Jalpy, qurylys jáne rekonstrýksıa jumystary 4,4 myń shaqyrym jolda júrgizilip,  oǵan 100 myńnan astam adam jumyldyrylady.

Elimizdiń shyǵysynda, Qytaı shekarasy mańyndaǵy aýmaqta «Qorǵas – Shyǵys qaqpasy» AEA (Arnaıy Ekonomıkalyq aımaqtar) bazasynda 2015 jyly «Qurǵaq porttyń» jáne ınfraqurylymnyń qurylysy aıaqtaldy.

Qytaı shekarasyndaǵy eki temirjol ótpesi men «Batys Eýropa – Batys Qytaı» avtomagıstralin tehnologıalyq úılestirýde Qurǵaq port qýatty kólik-logıstıkalyq habqa aınaldy.   Bul Qytaıdan Eýropaǵa, sondaı-aq Ortalyq Azıa elderi, Túrkıa jáne Parsy shyǵanaǵy elderine júk aǵynyn tıimdi taratýdy qamtamasyz etýge múmkindik beredi.

Qurǵaq porttyń jalpy aýmaǵy 129 gektar, ol logıstıkalyq (224,9 ga) jáne ındýstrıalyq (224,4 ga) aımaqtarmen baılanystyrylǵan. Bul joba konteıner óńdeý úshin utymdy sheshim bolyp tabylady jáne kirgizilgen taýarlardy odan ári óndiristik óńdeý úshin jańa múmkindikter ashady.

«Qurǵaq portty» paıdalanýǵa berilgen sátten bastap búgingi kúnge deıin 150 myń JFE júk óńdeldi.

Búgingi kúnge «Qorǵas – Shyǵys qaqpasy» AEA-da 69 qatysýshy tirkeldi jáne 200-ge jýyq jumys orny ashyldy.

Temirjol salasyndaǵy tranzıttik áleýetti arttyrý boıynsha alǵa qoıylǵan mindetterdi iske asyrý aıasynda jalpy uzaqtyǵy 112,37 shaqyrym Almaty – Shý ýchaskesinde ekinshi jol jelisin salý boıynsha joba iske asyrylýda.

Osylaısha, ótken jyldyń jeltoqsanynda ekinshi joldyń 53 shaqyrymyn qamtıtyn jobanyń birinshi iske qosý kesheni iske qosylǵan. Bıylǵy jeltoqsan aıynda ekinshi joldyń 59 shaqyrymyn qamtıtyn jobanyń ekinshi iske qosý keshenin paıdalanýǵa berý josparlanyp otyr.

Jalpy alǵanda, jobany iske asyrý ýchaskeniń ótkizý qabiletin táýligine 17-den 68 jup poıyzǵa deıin ulǵaıtýǵa jáne poıyzdardyń jolda júrý ýaqytyn 1,5 esege qysqartýǵa múmkindik beredi.

Sondaı-aq, baǵdarlama aıasynda Quryq portynyń paromdyq keshenin temirjolmen qosatyn qurylysy aıaqtaldy.

2016 jyldyń jeltoqsanynda Quryq portynda qýattylyǵy 4 mln. tonna bolatyn temirjol paromdyq kesheni iske qosyldy. Búgingi tańda 420 myń tonna júk aýystyryp tıeldi. Bıylǵy jyldyń sońyna deıin atalǵan termınal arqyly shamamen 1 mln. tonna júktiń aýystyrylyp tıelýi josparlanyp otyr.

Bıyl qýattylyǵy 2 mln. tonna bolatyn paromdyq keshenin avtomobıl jolymen qosatyn qurylysy bastaldy. Jobanyń quny 67 mlrd. teńge, ony 2018 jyly aıaqtaý josparlanýda. Atalǵan maqsattarǵa bıyl 50 mlrd. teńge bólindi, qazirgi tańda onyń 15 mlrd. teńgesi ıgerildi.

Jalpy alǵanda, 2020 jylǵa qaraı teńiz porttarynyń qýattylyǵyn 26 mln. tonnaǵa deıin jetkizý josparlanyp otyr.

 Bıylǵy jyldyń 31 mamyrynda Astana qalasy áýejaıynyń jańa jolaýshylar termınaly paıdalanýǵa berildi. Onyń aýmaǵy 47 000 m2 quraıdy. Jıyntyq ótkizý qabileti –jylyna 8,2 mln jolaýshy nemese 2525 jol/ saǵ quraıtyn bolady.

Paıdalanýǵa berilgen sátten bastap 19 sheteldik áýe tasymaldaýshysynyń («LOTPolish Airlines», «WizzAir», «FinnAir», «Air China», «Lufthansa», «Air Arabia» jánet.b). halyqaralyq reısterine qyzmet kórsetiledi.

2017 jyldyń qańtar-maýsym kezeńinde tranzıttik ushý 2016 jyldyń (81,3 mln. sam-km) sáıkes kezeńimen salystyrǵanda 3%-ǵa artyp, 83,8 mln. sam-km óskeni baıqalady.

«EKSPO-2017» kórmesin ótkizý kezeńinde barlyq sheteldik áýe tasymaldaýshylar úshin Astanaǵa aptasyna 7 reıske deıin oryndaý quqyǵy berildi.

2017 jyldyń basynan bastap sheteldik jáne qazaqstandyq áýe kompanıalar Astanadan Delıge, Varshavaǵa, Helsınkige, Býdapeshke, Beıjińge, Erevanǵa, Kıevke, Batýmıge, Mıneralnye vody men Sıanǵa, jalpy 10 jańa halyqaralyq áýe baǵytyn ashty.

Qazirgi ýaqytta 96 halyqaralyq baǵyt bar.             

Semeı qalasy áýejaınyń aerovokzaly men jermen júrý joldaryn, ushý-qoný jolaǵyn rekonstrýksıalaý jumystary jalǵasýda.

2020 jylǵa deıin Qostanaı men Óskemen qalalary áýejaıynyń ushý-qoný jolaqtaryn rekonstrýksıalaý josparlanýda.       

Investısıalyq jobalar

«Nurly-Jol» memlekettik baǵdarlamasy sheńberinde iske asyrylatyn «Soltústik-SHyǵys-Ońtústik tranzıtiniń 500kV ÁJ-sin salý» ınvestısıalyq jobasy boıynsha aqparat  

500 kV Ekibastuz – Shúlbi GES (Semeı) – Óskemen jelisin salý

«500kV Ekibastuz-SHúlbi GES (Semeı) – Óskemen jelisin salý» jobasyn iske asyrýdyń maqsaty Soltústik-SHyǵys qımasynda jelilerdiń ótkizý qabiletin arttyrý, Reseı BEJ jelisi arqyly elektr energıasy tranzıtine qaramastan Shyǵys Qazaqstan oblysynyń tapshylyqtaryn jabýdy qamtamasyz etý, kontrretteýish Bulaq GES-in endirgen kezde Shúlbi GES-inen (SHGES) tolyq qýat berýdi qamtamasyz etý bolyp tabylady.    

Jobany iske asyrý merzimi: 2011-2017 jj.

Jobanyń quny – QQS-ny esepke alǵanda 53,3 mlrd. teńge. Joba tolyǵymen kompanıanyń qarajaty esebinen qarjylandyrylady.  

Jobanyń sıpattamasy

- 500 kV Ekibastuz - Semeı ÁJ-ni salý (405,7 km);

- 500 kV Semeı - Óskemen ÁJ-ni salý (192,8 km);

- 220 kV Semeı – SHGES ÁJ-ni salý (78,9 km);

- 500 kV Semeı QS 220kV ATQ-daǵy 220 kV 51 QS –18 (13,5 km) QS ÁJ-niń kiris-shyǵys jerlerin salý;

- 500 kV Semeı QS 220kV ATQ-daǵy 220 kV 18 QS – SHGES (13,5 km) ÁJ-niń kiris-shyǵys jerlerin salý;

- 500 kV Semeı QS-ny salý;

- 1150 kV Ekibastuz QS-daǵy 500kV ATQ-ny keńeıtý;

- 500 kV Óskemen QS-daǵy 500 kV ATQ-ny keńeıtý;

- 220 kV Shúlbi GES (SHGES) ATQ-ny keńeıtý.

Jobanyń aǵymdaǵy dárejesi:

Qazirgi ýaqytta jobanyń barlyq qurylys-montajdaý jumystary tabysty aıaqtaldy. Jalpy uzyndyǵy 598,5 shaqyrymdy quraıtyn 500 kV Ekibastuz – Shúlbi GES (Semeı) – Óskemen jelisi men 500kV «Semeı» QS-ǵa kiretin, jalpy uzyndyǵy 106 shaqyrymdy quraıtyn 220 kV «Semeı-SHúlbi» jelisi salyndy. Sonymen qatar 500 kV «Semeı» QS, 500 kV «Óskemen» QS, 1150 kV «Ekibastuz» QS men 220 kV «Shúlbi GES» qosalqy stansıalarynda qurylys-montajdaý jumystary aıaqtaldy.

Salynyp bitken jumystar «Indýstrıaldandyrý kúni» sheńberinde Memleket basshysynyń qatysýymen ótkizilgen jalpy ulttyq telekópir kezinde 2016 jylǵy 6 jeltoqsanda iske qosyldy.  

Bul rette jobanyń birinshi kezeńi boıynsha qurylys-montajdaý jumystary 2017 jyly aıaqtalady dep josparlanǵan merzimnen buryn jumys kestesinen erte 2016 jyly aıaqtaldy.  

500 kV Shúlbi GES (Semeı) - Aqtoǵaı -Taldyqorǵan – Alma ÁJ-ni salý

Jobany iske asyrý Qazaqstannyń Soltústik-Ońtústik baǵytyndaǵy UET tranzıttik áleýetin arttyrýǵa, temirjoldardaǵy, taý-ken kásiporynynyń energıany kóp qajet etetin obektilerindegi elektrlendiriletin ýchaskelerddiń  elektr energıasyna degen qajettilikterin jabýdy qamtamasyz etýge, shekara mańyndaǵy aýmaqtardy damytý úshin jaǵdaı jasaýǵa jáne jańartylatyn energıa áleýetin aýqymdy ıgerýge, sonymen qatar Shyǵys aımaqtyń Qazaqstannyń birtutas elektr júıesimen baılanysyn kúsheıtýge múmkindik beredi.     

Jobany iske asyrý merzimi: 2012-2018 jj.

Jobanyń quny – QQS-ny esepke alǵanda 105,5 mlrd. teńge. Joba menshik qarajaty jáne «KEGOC» AQ kýpondyq oblıgasıalaryn satý arqyly, BZJQ-dan alynǵan 47,5 mlrd. teńge somasyndaǵy qarajat esebinen qarjylandyrylady.   

Jobanyń sıpattamasy

- 500 kV Semeı -Aqtoǵaı ÁJ-ni salý (390,8 km);

- 500 kV Aqtoǵaı–Taldyqorǵan ÁJ-ni salý (287,4 km);

- 500 kV Taldyqorǵan-Alma ÁJ-ni salý (203,8 km);

- 500 kV Taldyqorǵan QS 220 kV ÁJ kiris-shyǵys jerlerin salý,(183,9 km);

- 500 kV Aqtoǵaı QS-ny salý;

- 500 kV Taldyqorǵan QS-ny salý;

- 500 kV Alma QS-ny salý;

- 500 kV Semeı QS-ny keńeıtý.

Jobanyń aǵymdaǵy dárejesi:

Jobanyń ekinshi kezeńi – 500 kV Shúlbi  GES (Semeı) -  Aqtoǵaı -  Taldyqorǵan -  Alma jelisin salýdy iske asyrý – jumys kestesine sáıkes júrgizilýde.    

Qazirgi ýaqytta obektiniń barlyq ýchaskelerinde qurylys-montajdaý jumystary júrgizilýde. Jalpy uzyndyǵy 883 km quraıtyn 500kV jeliniń 434 km, sonyń ishinde 2017 jyly 270 km salyndy. 

Joba iske asyryla bastaǵannan BZJQ-dan alynǵan QQS-ny esepke alǵanda 45 441,313 mln. teńge somasyndaǵy, sonyń ishinde 2017 jyly QQS-ny esepke alǵanda 14 809,093 mln. teńge somasyndaǵy kúrdeli qarjy salymy ıgerildi.