Reseılik VGTRK arnasynyń korespondenti Tamara Nersesán Ýkraınadan shyǵaryldy, dep jazady Qamshy.kz aqparat agenttigi. Bul týraly «Rossıa 24» telearnasy habarlady.

Tamara Nersesánnyń aıtýynsha, ol úsh jylǵa Ýkraınaǵa kirý quqyǵynan aıyryldy. «Meni kóshede ustap alyp, birden Ýkraına qaýpsizdik qyzmetiniń bas keńsesine apardy. Úsh saǵat boıy suraq astyna aldy. Uıaly telefonymdy tartyp aldy, dórekilik tanytty. Tergeýden soń Ýkraına qaýipsizdik qyzmeti meniń jer aýdarylǵanymdy habarlap, Ýkraına aýmaǵyna kirýge tyıym salǵandaryn aıtty», - dedi Nersesn telearnaǵa bergen suhbatynda.

Aıta keteıik, Ýkraınada reseılik teleranalardyń birazyna, olardyń ishinde Birinshi arna, NTV, TV Sentr, «Rossıa 1», «Rossıa 24», TNT, «Peterbýrg 5», «Zvezda», Ren TV, "LifeNews", "Russia Today", RBK-TV, RTR Planeta, Mır 24 arnalaryna tyıym salynǵan. Sanksıa tizimine reseılik «Dom kıno», «Rýsskıı ıllúzıon», «Ýsadba-TV», «Domashnın jıvotnye», «Voprosy ı otvety», «Orýjıe», «Istorıa» telearnalary endi.

Reseılik buqaralyq aqparat quraldarynyń basshylaryna da Ýkraınaǵa kirýge tyıym salyndy: «Komsomolskaıa pravda» basylymynyń bas redaktory Vladımır Sýngorkın, VGTRK arnasynyń bas dırektory Oleg Dobrodeev, «Rossıa segodná» halyqaralyq agenttiginiń bas dırektory Dmıtrıı Kıselev, TASS aqparat agenttiginiń bas dırektory Sergeı Mıhaılov, RT telearanasynyń bas redaktory Margarıta Smonán, «Rýsskıı reporter» jýrnalynyń bas redaktory Vıtalıı Leıbıný, t.b.

Budan buryn Ýkraınanyń Bilim mınıstrligi eldegi 70% mekteptiń orys tilinen bas tartyp otyrǵany habarlanǵan. Ártúrli aýdandarda orys tilindegi arnaıy synyptar jabylyp, ýaqyttyń kóp bóligin aǵylshyn tiline aýdarý kózdelgen. 2014 jyly Ýkraınada orys tiliniń mártebesi ózgeshe bolatyn.  Arnaıy orys tilin oqytatyn ortalyqtar, orys tilindegi arnaıy mektepter ashyldy, orys tilinde kitaptar basylyp shyqty, jańa fılmder orys tilinde kórsetile bastady. Shyǵys Ýkraına men Qyrym halqy ýkraın tiline qaraǵanda orys tilin jaqsy meńgergen. Onyń sebebi, barlyq qujattar orys tilinde júrgizilgen.