Qazkommersbank klıentteri 18 tamyzdan bastap, óziniń tólem kartalaryn cash-in qyzmeti bar Halyk Bank bankomattarynan teńgemen jáne AQSH dollarymen tolyqtyra alady. Osy operasıany oryndaý kezinde Qazkom kartasyn ustaýshylardan esh komısıa alynbaıdy dep habarlaıdy Qamshy.kz aqparat agenttigi «Kazkommersbank» AQ baspasóz qyzmetine silteme jasap.  

Mundaı qyzmet 1 tamyzdan bastap, Halyk Bank klıentteri úshin de Qazkom bankomattarynda qoljetimdi bolǵan. Endi eki bank klıentteri úshin Halyk+Qazkom bankomattar jelisinen kartalyq shotty tolyqtyrýda esh aıyrmashylyq joq.

Jýyq arada biryńǵaı bankomattyq jelide osy shart boıynsha aýdarymdardy oryndaý jáne kartasyz shotty tolyqtyrý qyzmetteri de qoljetimdi bolmaq.

2017 jylǵy 1 shildege Halyk Bank-tiń 559 bankomatynda cash-in qyzmeti ornatylǵan, al Qazkom-da qolma-qol aqshany qabyldaıtyn 465 qurylǵy bar. Qazkom+Halyk bankomattardyń biriktirilgen jelisinde Qazaqstan boıynsha 4659 bankomat bar, sonymen eldegi ár ekinshi bankomat Halyk+Qazkom jelisine tıesili.

2017 jylǵy 1 tamyzdaǵy jaǵdaı boıynsha Qazkom-men shyǵarylǵan tólem kartalardyń sany 2,6 mln. artyq danany quraıdy eken.