Búgin Ortalyq komýnıkasıalar qyzmetinde ótken baspasóz konferensıada «KAZENERGY» qaýymdastyǵy tóraǵasynyń orynbasary  Uzaqbaı Qarabalın osyndaı boljam jasady dep habarlaıdy Qamshy.kz aqparat agenttigi. El ekonomıkasynyń tiregi munaı óndirisi bolǵandyqtan, Qazaqstan álemde aldyńǵy qatarda turǵanyn aıtty.  

"Ár adamnyń óz pikiri bar, degenmen biz analıtıkalyq kompanıalardyń sarapshy mamandarynyń pikirine qulaq salǵanymyz durys. Munaı salasyndaǵy barlyq mamandardyń pikirin tujyrymdaıtyn bolsaq, munaı baǵasy áli de túsedi degenge saıady. Bir barreli 50 dollar bolady degen boljam bar", – dedi spıker.

Uzaqbaı Qarabalınnyń pikirinshe, aldaǵy 4-5 jylda munaı baǵasy qaıta kóterilýi múmkin.  Sharyqtaý shegi 100 dollardan aspaıdy, 80 dollarǵa deıin barady degen sarapshylar boljamyn alǵa tartty.

"Alaıda qazir tehnologıalardyń tez damyp, aqparattyń lezde taralýyn eskere kele, bolashaqqa boljam jasaý qıyn. Aldaǵy 10 jylda ómir qalaı ózgeretinin bile almaımyz dedi", – Uzaqbaı Qarabalın.