Ortalyq komýnıkasıalar qyzmetiniń alańynda Astana qalasynda ótetin jobalyq basqarý salasyndaǵy mereıtoıly Dúnıejúzilik İRMA Kongresine arnalǵan baspasóz konferensıasy ótti dep habarlaıdy Qamshy.kz aqparat agenttigi. İs-sharaǵa 30-shy Dúnıejúzilik İRMA Kongresi Uıymdastyrý komıtetiniń tóraǵasy Maqsat Mamashev, «Baıterek» Ulttyq Atqarýshy Holdıńi» AQ Jobalyq qarjylandyrý jáne memlekettik-jekemenshik áriptestik Departamentiniń joba jetekshisi Baýyrjan Hamzın, baǵdarlamalyq komıtettiń múshesi Chınvı Mgbereniń jáne Qazaqstannyń  jobalardy basqarý  Qaýymdastyǵynyń Sertıfıkattaý ortalyǵynyń basshysy Rahmatýllo Saıdýllaev qatysty.

Dúnıejúzilik Kongres aıasynda birneshe paneldik sesıalar, stendtik baıandamalar, tusaýkeserler, kórmeler men jobalyq basqarý salasyndaǵy mártebeli halyqaralyq syılyǵynyń fınalısterin marapattaý rásimi ótedi. Kongres baǵdarlamasynda Germanıa, Japonıa, Ulybrıtanıa, Reseı Federasıasy, Avstralıa, Ýkraına, Italıa, Shveısarıa jáne Qazaqstan elderiniń kóshbasshy ǵalymdarynyń negizgi baıandamalary usynylady. Talqylaýdyń negizgi taqyryptary bilim, ǵylym jáne ekonomıkanyń negizgi salalaryn, ozyq tehnologıalarmen memlekettik basqarý salalaryn damytýdaǵy aldynǵy qatarly quzyretteri bolmaq.

Baspasóz konferensıasy barysynda 30-shy Dúnıejúzilik İRMA Kongresi Uıymdastyrý komıtetiniń tóraǵasy Maqsat Mamashevtiń aıtýy boıynsha, Qazaqstan úshin aldaǵy jumys barysy, jobalardy basqarý salasyndaǵy álemdik tájirıbeni zertteý jáne ony odan ári júıelendirý prosesin engizý memlekettik basqarýdaǵy jobalyq menedjment jáne eldegi jobalyq menedjmentti ádistemelik ilgerilendirýge erekshe múmkindik beredi.

30-Dúnıejúzilik İRMA Kongresi QR Úkimetiniń «Halyqaralyq mamandandyrylǵan EKSPO-2017 kórmesi» baǵdarlamasyna engeni belgili.

Kongrestiń uıymdastyrýshylary Halyqaralyq İRMA jobalaryn basqarý Asosıasıasy, Qazaqstannyń  jobalardy basqarý  Qaýymdastyǵy, «Nursultan Nazarbaev bilim fondy» QF jáne Nazarbaev Ýnıversıteti. Jobalyq basqarý salasyndaǵy eń iri shara 2017 jylǵy 5-7 qyrkúıek aralyǵynda Astana qalasyndaǵy Nazarbaev Ýnıversıtetinde ótedi. Oǵan 70 elden kelgen 500 ókil qatysady.

Budan bólek Kongres sheńberinde 2-4 qyrkúıekte jas jobalyq menedjerler úshin IPMA Dúnıejúzilik jastar semınarlary ótedi. Úshkúndik shara jobalyq basqarý salasyndaǵy kóshbasshy jatyqtyrýshylardy jáne barlyq salalardyń kásibı mamandaryn tartý, bilim jáne tájirıbe almasý, jobalyq basqarý daǵdylaryn berýge baǵyttalǵan.

1967 jyldan Venada 1-shi Dúnıejúzilik Kongrestiń ótkizilýinen bastap, IPMA jobalyq basqarýdaǵy turaqty damyp kele jatqan uıym, jobalyq basqarýdyń jeke kásibı tártibi retinde qalyptasýyna qoldaý kórsetetin kóshbasshy qaýymdastyq.

Mereıtoıly Dúnıejúzilik Kongresti Qazaqstanda ótkizý quqyǵy 2015 jylǵy qyrkúıekte Panamada ótken 29-shy Dúnıejúzilik Kongreste berildi.