Ortalyq komýnıkasıalar qyzmetinde Jer Kodeksine engizilgen jańa ózgeristerge baılanysty baspasóz konferensıa ótti dep habarlaıdy Qamshy.kz aqparat agenttigi ASHM baspasóz qyzmetine silteme jasap. Baspasóz konferensıa barysynda Jer reformasy boıynsha Komısıanyń jer zańnamasyn jetildirý jónindegi daıyndalǵan usynystardy zańnamalyq retteý máselesi talqylandy. Jer kodeksiniń kelesi normalaryna ózgerister men tolyqtyrýlar engizý qarastyrylǵan:
- Qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaý jáne jetildirý;
- Qazaqstandyqtarǵa jalǵa beriletin aýyl sharýashylyǵy jerleriniń shekteý (eń joǵary) mólsherin belgileý;
- Shekara mańyndaǵy aımaqtarda aýyl sharýashylyǵy jerlerin berýdiń talaptaryn qatańdatý;
- Halyqtyń qajettilikterin qanaǵattandyrý úshin, eldi-mekender mańyndaǵy jaıylymdardyń alańdaryn anyqtaý.
Qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaı otyryp, zań jobasymen aýyl sharýashylyǵy jerlerin konkýrstyq negizde berýdiń bólek tártibin belgileý qarastyrylady.
Konkýrsqa jarıalylyqty jáne barlyq potensıaldy qatysýshylarǵa birdeı qatysýdy qamtamasyz etý maqsatynda jańa tártip konkýrsty ótkizý týraly habarlamany BAQ, ákimdikterdiń jáne Aýyl sharýashylyǵy mınıstrliginiń resmı ınternet-resýrsterinde jarıalaý qarastyrylady.
Konkýrstyń jeńimpazyn anyqtaıtyn komısıa quramyna qoǵamdyq keńester men uıymdardyń ókilderi qatysady, olar komısıa músheleriniń jalpy sanynyń 50 % astamyn quraıdy.
Barlyq yqtımal qatysýshylarǵa konkýrs ashyqtyǵyn jáne teń qoljetimdiligin qamtamasyz etý maqsatynda, jańa tártip buqaralyq aqparat quraldarynda konkýrsty ótkizý habarlamasyn jáne ákimdiktiń jáne Aýyl sharýashylyǵy mınıstrliginiń resmı ınternet-resýrsynda jarıalaýdy qarastyratyn bolady. Sondaı-aq aqparattyq stendterde jáne resmı saıttarda jarıalaý úshin bir mezgilde olardy oblys kólemindegi barlyq ákimdikterge joldanady.
Konkýrsqa qatysýdyń mindetti sharty bolyp qatysýshymen konkýrstyq usynymdy berý bolyp tabylady. Atap aıtqanda:
- aýyl sharýashylyǵy óndirisin júrgizýdiń bıznes-jospary;
- sharýashylyq ishilik jerge ornalastyrý jobasyn jasaý jáne ıgerý boıynsha mindettemeler;
- jergilikti turǵyndarǵa jumys oryndaryn qurý boıynsha mindettemeler;
- óńirdiń mamandanýyna sáıkes aýyl sharýashylyǵy daqyldarynyń egý alańdarynyń qurylymyn ártaraptandyrý boıynsha ındıkatıvtik kórsetkishterdi oryndaý boıynsha mindettemeler;
Anyqtama: qolda bar norma:
Erkin nysanda aýyl sharýashylyq daqyldaryn egý úshin naqty qolda bar qajetti aýyl sharýashylyq mehanıkalyq qurylǵylaryn kórsete otyryp jer ýchaskesin paıdalaný boıynsha bıznes-jospar nemese óndiristik baǵdarlama jáne (nemese) olardy satyp alýǵa (jalǵa alý, qyzmet kóretýdi satyp alý jáne taǵy basqalar) sharttyń kóshirmesin (nemese nıet etý hattamasyn) usyný;
bilim týraly dıplomnyń (ol bolǵan jaǵdaıda) kóshirmesi nemese eńbek qyzmetý týraly jáne aýyl sharýashylyǵy salasynda jumys ótili kórsetilgen ómirbaıan.
Beriletin jerlerdiń utymdy paıdalanylýyn tekserý maqsatynda, zań jobasymen turaqty monıtorıń júrgizý qarastyryldy: jalǵa alýdyń alǵashqy 5 jylynda – jyl saıyn,kelesi kezeńderde sýarmaly egistikte árbir 3 jylda, tálimdi jerde – ár 5 jylda.
Aýyl sharýashylyǵy jerleriniń úlken mólsherin «bir qolǵa» berýge jol bermeý maqsatynda, zań jobasymen qazaqstandyqtarǵa jalǵa beriletin aýyl sharýashylyǵy jerleriniń eń joǵary mólsherin alqaptar boıynsha respýblıka, oblys jáne ákimshilik aýdandar (qalalar) sheginde belgileý qarastyrylady.
Budan basqa, Zań jobasymen Memlekettik shekaranyń shekara beldeýinde jáne aımaǵynda aýyl sharýashylyǵy jerlerin berý talaptaryn kúsheıtý qarastyrylǵan. Onda sheteldikterge, azamattyǵy joq adamdarǵa, sheteldik zańdy tulǵalarǵa jáne sheteldikterdiń qatysýy bar zańdy tulǵalarǵa jerdi ıelenýge shekteý qoıylady.
Aýyl turǵyndarynyń mal jaıýy úshin jaıylymdyq alqaptardyń jetispeý problemasyn sheshý úshin zań jobasymen eldi mekender mańynda turǵyndardyń jeke maldaryn ustaý boıynsha muqtajdaryn qanaǵattandyrý úshin qajetti jaıylymdardyń kólemderi anyqtalatyn bolady.
Budan basqa, zań jobasymen jer komıssısynyń statýsyn anyqtaý, jer ýchaskesiniń bólinýi, eldi meken jerlerindegi jer ýchaskeleriniń nysanaly maqsatyn aýystyrý jáne t.b. máselelerdi qamtıtyn Jer kodeksiniń normalaryn jetildirý qarastyrylady.
Joǵaryda atalǵan normalardy qabyldaý teris áleýmettik-ekonomıkalyq jáne quqyqtyq saldarǵa ákelip soqpaıdy jáne aýyl sharýashylyǵy jerlerin tıimdi paıdalanýǵa jol ashatyn bolady.
