Ortalyq komýnıkasıalar qyzmetinde «Bolashaq» Qaýymdastyǵynyń Keńes Tóraǵasynyń mindetin atqarýshysy, Qazaqstan Respýblıkasy Parlamenti Májilisiniń depýtaty Baqtıar MÁKEN, Qazaqstan Respýblıkasynyń Din isteri jáne azamattyq qoǵam mınıstrligi Jastar saıasaty departamentiniń dırektory Ǵabıdolla OSPANQULOV jáne Astana qalasy Jastar saıasaty máseleleri basqarmasynyń basshysy, «Jastar kadrlyq rezervi» jobasynyń rezırvısti Asqat ORALOVTYŃ qatysýymen «Jastar kadrlyq rezervi» jobasynyń bastalýy» taqyrybyna baspasóz konferensıa ótti dep habarlaıdy Qamshy.kz aqparat agenttigi.
«Bolashaq» Qaýymdastyǵy Din isteri men azamattyq qoǵam Mınıstrliginiń qoldaýymen «Jastar kadrlik rezervi 2017» respýblıkalyq jobasyn iske qosty.
Jobanyń maqsaty: jastar arasynan memlekettik basqarý júıesi, bıznes pen qoǵamdyq qyzmet úshin zamanaýı jáne tıimdi basqarýshylardyń jańa tobyn qalyptastyrý.
Jobada 18 ben 29 jas aralyǵyndaǵy Qazaqstan Respýblıkasynyń azamattary qatysa alady. Qatysýǵa ótinimderdi qabyldaý www.rezerv.kz saıtynda osy jyldyń 12-30 qyrkúıek kúnderiniń aralyǵynda júzege asady.
Joba birneshe kezeńde ótedi: saıyskerlerdi tirkeý, irikteý, suhbattasý, bilim berý kezeńi jáne taǵylymdamadan ótý.
Joba nátıjeleri boıynsha memlekettiń árbir aımaǵynan 3 adamnan, jalpy 48 jastar iriktelip alynady. 32 adam QR Parlament Májilisinde, al 16 adam memlekettik organdar men ulttyq kompanıalarda taǵylymdamadan ótedi.
Saıyskerlerdi QR Parlamenti Májilisiniń, oblystyq jáne qalalyq máslıhat depýtattarynan, memlekettik organdardyń, qoǵamdyq uıymdardyń, BAQ jáne bıznes salasynyń ókilderinen turatyn arnaıy komısıalar irikteıdi.
«Bolashaq» Qaýymdastyǵy Keńesiniń tóraǵasy m.o. Bahtıar Maken: «Bolashaqqa baǵdar: qoǵamdyq sanany jańǵyrtý» atty maqalasynda elimizdiń Prezıdenti bilimge erekshe nazar aýdarady jáne basty qundylyq bilim alý bolǵan jaǵdaıda ulttyń tabysqa jetetini týraly aıtady. Bizdiń basty maqsatymyz – osy jobanyń kómegimen elimizdiń jas urpaǵynyń eń jaqsy áleýetine negizdelgen kúshti rezervti qurastyrý. Memleket jastar ıgiligine baǵyttaǵan resýrstar osy sekildi baǵdarlamalar arqyly óz qoldanysyna ıe bolady», - dep atap ótti.
