Latyn álipbıine kóshý úshin 600 mıllıon teńge bólinedi, dep habarlaıdy Qamshy.kz aqparat agenttigi 24.kz saıtyna silteme jasap. Bul týraly QR ulttyq ekonomıka mınıstri Tımýr Súleımenov Májilistegi úsh jyldyq búdjettiń jobasyn tanystyrý barysynda aıtty.

Telearnanyń málimetinshe, 2018 jyly búdjettiń tabysy shamamen 5 trıllıon teńge bolady. Al shyǵyny 9 trıllıonnan asady. Aıtýlarynsha, qarajattyń basym bóligi áleýmettik baǵdarlamalardy júzege asyrýǵa jumsalady.

Tımýr Súleımenovtiń aıtýynsha, 2018 jyly elimizdegi jalpy ishki ónimniń ósimi 3,1 paıyz deńgeıinde bolady dep boljanyp otyr. Sondaı-aq, mınıstr búdjet qarajatyn ıgerý máselesiniń sheshilýi múmkin ekenin aıtty.

"Qosymsha fýnksıalar qarastyrylyp jatyr, mysaly, qazynashylyq súıemeldeý. Baǵdarlamalardy júzege asyrý maqsatynda merdigerlerge bólinetin búdjet qarajatynyń ıgerilýin baqylaıtyn qazynashylyq organdar. Endi osy organdar qarajattyń tolyqtaı ıgerilýin qadaǵalap, sáıkesinshe, olarda sol jumystardyń oryndalǵanyn rastaıtyn qujattar bolady", - dedi QR Parlament Májilisiniń depýtaty Omarhan Óksikbaev.

Eske sala ketsek, 11 qyrkúıekte QR Parlament Májilisinde "Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly" tyńdaý ótken edi. Sol tyńdaýda Sh.Shaıahmetov atyndaǵy tilderdi damytýdyń respýblıkalyq koordınasıalyq-ádistemelik ortalyǵynyń dırektory, fılologıa ǵylymdarynyń doktory Erbol Tileshov qazaq álipbıiniń jańa nusqasyn usynǵan bolatyn. Onyń aıtýynsha, jańa nusqada 25 árip bolady.