Skrınıngtik tekserý aýrýdyń bastapqy kezeńin der ýaqytynda anyqtaýǵa ári asqyndyrmaýǵa jáne júıeli em qabyldaýǵa múmkindik beredi.
Osy oraıda Batys Qazaqstan oblystyq densaýlyq saqtaý basqarma basshysynyń orynbasary Nurdana Berkinǵalıdyń málimetine súıensek, qan aınalym júıesi aýrýlary boıynsha óńirdegi 40-64 jas aralyǵyndaǵy turǵyndardyń 85,7%-y, sút bezi obyry boıynsha 50-60 jastaǵy áıelderdiń 78,2%-y, asqazan jáne óńesh obyry boıynsha 50-70 jas aralyǵyndaǵy turǵyndardyń 86,6%-y, toq jáne tik ishek obyry boıynsha 50-70 jastaǵy turǵyndardyń 79,8 %-y, qant dıabeti aýrýy boıynsha 40-60 jastaǵy turǵyndardyń 86,8%-y tekseristen ótken. Al tórt jyl saıyn keletin skrınıngtik tekseristen qýyqasty bezi obyry boıynsha 50-66 jas aralyǵyndaǵy er adamdardyń 99,2%-y, bes jylda bir ótetin tekseris jatyr moınynyń obyry boıynsha 30-60 jas aralyǵyndaǵy áıelderdiń 76%-y ótken. Al oblystyq onkologıalyq dıspanserde jylyna 50- den astam joǵary mamandandyrylǵan otalar jasalýda. Atap ótsek, aýqymdy gastrektomıalımfodısseksıa jáne aýqymdy 2-zonalyq lımfodısseksıamen óńeshtiń sýbtotaldyq rezeksıasy, jińishke ishektiń ınterpozısıasy ıntratorakaldyq anastomoz, radıkaldy prostatektomıa, radıkaldy sıstektomıa, transartelıaldyhımıoembolızasıa men port-júıesi ornatylýda. Al 2017 jyldyń sońǵy jeti aıy boıynsha oblysta dúnıe esigin ashqan náresteler men 17 jas aralyǵyndaǵy búldirshinderiniń 137 616-syna profılaktıkalyq tekseris júrgizilip, barlyq balalardyń 85 %-y qamtylǵan. Olardyń 16,7%- nyń derti anyqtalyp, 11,7-y dıspanserlik esepke alynyp, 72,3% -y saýyqtyrý emin qabyldaǵan.
Skrınıgtik tekseris tegin medısınalyq kómek kórsetýdiń kepildendirilgen kólemi tizimine kiredi jáne tirkelgen meken jaıy boıynsha medısınalyq uıymdarda júrgiziledi. Profılaktıkalyq jumystardy saýatty uıymdastyrǵan jaǵdaıda erte satydaǵy aýrýlardyń aldyn alýǵa bolady. Sondyqtan óz densaýlyǵyn ýaıymdaıtyn ár turǵyn skrınıngtik tekseristen ótken jón.
Gúlim AQAP,
Batys Qazaqstan oblysy
