Ótken jumada Saýd Arabıasynyń koroli Salman men Tatarstan prezıdenti Rýstam Mınnıhanovtyń resmı kezdesýi ótti, dep jazady Qamshy.kz aqparat agenttigi. Bul týraly Tatarstan múftıi Kámil hazrat Samıgýllın ınstagramdaǵy paraqshasyna jarıalady.

Óz kezeginde monarh respýblıkaǵa qyzyǵýshylyq tanytyp, aqpanda Mınnıhanovtyń  Saýd Arabıasyna kelgen sátin eske aldy. Sol sáttegi kezdesýdiń nátıjesinde, Reseıge kelý týraly kelisimge qol qoıylǵan. Salman Reseı men Saýd Arabıasy koróldiginiń arasyndaǵy qarym-qatynastyń jańa paraqshasy ashylǵanyn aıtty.

Kún tártibinde dinı ekstermızm men halyqaralyq terorızm máseleleri turdy.

Tatarstan prezıdenti saýdıa monarhyn eldiń dinı aıasymen tanystyryp, Reseıdegi ıslam dininiń damý máselesin sóz etti. Musylmandyq ınfraqurylym men Bolgar ıslam akademıasynyń jaıyn sóz etti.

Sondaı-aq «Reseı – Islam álemi» otyrysynyń aldaǵy jyly Saýd Arabıasynda ótetini kezdesý barysyndaǵy basty taqyryptardyń biri sanaldy. Koról atalmysh usynysty qýana qabyldap, kelisimin berdi.