Oblys ákiminiń orynbasary Almas Aıdarov aımaǵymyzda oryn alǵan kómir máselesine qatysty málimdeme jasady. Bul problemaǵa baılanysty ótkizilgen baspasóz konferensıasynda ol kómir tapshylyǵy joq dep atap aıtty, dep habarlaıdy Qamshy.kz aqparat agenttigi Qaraǵandy oblysy ákiminiń saıtyna silteme jasap.
"Barlyqtaryńyzǵa belgili, qazirgi ýaqytta halyqqa qajet kómirge suranys joǵarylap ketti. Birinshi kezekte, aıtaıyn degenim, oblysymyzda kómir óndirýde problemalar joq. Sońǵy 9 aı qorytyndysy boıynsha bizde kómir óndirisiniń kólemi ótken jylmen salystyrǵanda 1,5 mln tonnaǵa ulǵaıdy. Jylytý maýsymyna qarsy barlyq áleýmettik, mádenı jáne turmystyq nysandar kómirmen qamtamasyz etilgen", - deıdi oblys ákiminiń orynbasary.
Degenmen, ol jeke sektor turǵyndaryn kómirmen qamtamasyz etýde belgili-bir qıyndyqtar baryn moıyndaıdy.
"Bıylǵy jyly qyrkúıekte kenetten kún sýytyp ketti. Sondyqtan kómirge degen suranys ta eki-úsh ese ulǵaıdy. Kómirge qatysty dúrbeleń ony satyp alamyn deýshiler qatarynyń qalyńdyǵyna baılanysty týyndap otyr. Nátıjesinde, kómir satý núktelerinde júk kólikterinen quralǵan kezek uzaryp ketti. Ol tıeý múmkindikteriniń shektelýine qatysty", - dep qosa aıtyp ótti Almas Aıdaros.
Onyń aıtýynsha, qazir kásiporyndar kómir jóneltilimin ulǵaıtqan. Mysaly, «Shubarkól Kómir» kompanıasynyń satylym núkteleri eki aýysymmen jumys istep jatyr. Jumyskerler kómirdi kúndiz-túni jóneltýde. Eger osyǵan deıin olar shamamen 50 júk kólikterin tıese, qazir bul kórsetkish 150-ge deıin ulǵaıtylǵan. Sonymen qatar «Shubarkól Kómir» kompanıasy kún saıyn Qaraǵandyǵa kómir tıelgen 25 vagon jóneltip otyrady.
"Biz bul jaǵdaı bir apta kóleminde túzeledi dep kútýdemiz, - dedi Qaraǵandy oblysy ákiminiń orynbasary. – Oǵan qosa Qaraǵandyda aýa raıy da jylydy. Kómir satý jyl boıy júrgiziledi, bitip qalýy múmkin emes. Qazan, qarasha jáne jeltoqsan aılarynda kómir ádettegi rejımmen qazirgi satylyp jatqan núktelerde satylatynyn bolady", - deıdi ákim orynbasary.
«Shubarkól Kómir» AQ birinshi vıse-prezıdenti Andreı Safonov kásiporyn kenetten kómir eksportyn ulǵaıtty degen aqparattyń jalǵan ekenin aıtty.
"Buryn Qazaqstannyń ishki naryǵyndaǵy suranys 2 mln 700 – 2 mln 800 tonnany qurasa, byltyrǵy jyldyń ózinde-aq ol 3 mln tonnadan joǵary bolyp ósip ketken bolatyn, - dep túsindirdi ol. – Aǵymdaǵy jyldyń 9 aıynda ishki naryqta tek qana komýnaldy-turmystyq sektordyń ózinde suranys 117 myń tonnaǵa ósip ketken edi. Eksport sol qalpynda qaldy. Biraq biz ony qazirjyljymaly sostavpen qıyndyqtar týyndap turǵandyqtan oryndap jatqan joqpyz. Buryn biz óz betinshe shyǵaryp alýshylarǵa táýligine 1600 tonnaǵa deıin júktesek, qazir táýligine 4500-4900 tonna tıeımiz. Muny qadaǵalaý múmkin emes, sebebi adamdar kelip, kezekte turady. Biz olardy úsh táýlik boıy ustap tura almaımyz. Bıylǵy jyly tutynýshylardyń suranysy erekshe ulǵaıyp ketti", - deıdi Andreı Safonov.
«Jalyndy Otannyń» komersıalyq dırektory Aleksandr Popkovtyń aıtýynsha, kásiporynnyń qoımasynda bes myń tonna kómir bar.
"…Alaıda ony eshkim alǵysy kelmeıdi, barlyǵyna vagonnan jańa túsken iri kómir qajet. Eger biz rezervterden eki saǵattyń kóleminde jeke tulǵalar úshin ózi alyp ketetin júk kólikterin tıeı alsaq, jyljymaly sostavtan qatty otyn alǵysy keletinderge kútýge týra keledi. Negizinen ol basqa aımaqtardan kelgen tutynýshylar", - dep málimdedi Aleksandr Popkov.
Osyǵan deıin habarlanǵandaı, 100-ge jýyq júk kólikteri Qaraǵandy oblysynyń kómir satý núktelerinde jınalyp qalǵan bolatyn. Óz kezegin kútip turǵan satyp alýshylardyń 60 paıyzy basqa aımaqtardan: Qostanaı, Astana, Qyzylorda jáne Aqmola oblysynan kelgender. Olarǵa vagondardan túsirilgen iri fraksıaly kómir qajet boldy.
Baspasóz konferensıasynda málimdegendeı, jeke tulǵalar arasynda kómir satyp alý dúrbeleńi úıler men kásiporyndarda uzaq janatyn peshterdiń ornatylýymen baılanysty bolýy ábden múmkin. Sonymen qatar dúrlikpe potensıaldy kommesıalyq paıdamen de baılanysty bolǵanyn joqqa shyǵarýǵa bolmaıdy. Úlken kesekterdi sál úgitip, tıimdi baǵamen satýǵa bolady.
Aıta keter bolsaq, kómir baǵasy bıyl tonnasyna 8000-11000 teńgeni quraıdy.