Óz básekelesterińizdi zertteńiz. Bıll Geıtstiń ár jumys kúni básekeles kompanıalardyń veb-resýrstaryn qaraýdan bastalǵan. 

Sheshim qabyldaýda batyl bolyńyz. Eń aldymen jaǵymsyz jańalyqtardy, sodan keıin ǵana jaqsy jańalyqtardy bilýge tyrysyńyz. Geıts jaqsy menedjerdiń eń basty qasıeti jaǵymsyz jańalyqtardy salqynqandylyqpen qabyldaı bilý deıdi. Sebebi osylaı jasaǵanda ǵana kez kelgen problema jyldam ári ońynan sheshiledi.

Bolashaq – ǵalamtorda. Soǵan den qoıyńyz. Geıts álemde eki túrli kompanıalar ǵana bolatyn kún alys emes deıdi. Biri – ǵalamtordaǵylar, ekinshisi – óz kásibin aıaqtaǵandar.

Jetistikke asa mán bermeńiz. Ol aldamshy. Belgili bir maqsatqa qol jetkizgennen keıin jańa belesterdi baǵyndyrýǵa kirisińiz. Qol qýsyryp otyrmańyz. Básekelesterińizdiń qımyl ústinde ekenin esten shyǵarmańyz.

Ujymdy damytý úshin barlyq jaǵdaıdy jasańyz. Basshy qol astyndaǵy qyzmetkerler úshin jaǵdaı jasaýy qajet.

Búgin jasaýǵa bolatyn isti erteńge qaldyrmańyz. Bıll Geıts: «Eger jumysta bir nárse kóńilińizden shyqpasa, óz isińizdi ashyńyz. Men bıznesimdi garajda bastadym. Ýaqytty tek ózińizge qyzyqty iske jumsaý qajet»-deıdi.

Ózińizdiń ortańyzdy ózgertińiz. Álem Bıll Geıtsti bekerden beker kreatıvti adam sanamaıdy. Ol jylyna birneshe márte úırenshikti ortadan ajyrap, sanany sergitý kerek deıdi. Sonda máseleler men mindetterdiń sheshimi tabylady.

Óz sheshimderińizdiń durystyǵyna kúmándanbańyz. Óz is-áreketińizge synı kózben qarańyz. Óz-ózińizge syrttaı baǵa berińiz jáne asyǵys sheshim qabyldamańyz.

Jańa tehnologıalardy paıdalanyp, ınovasıalardy tańdańyz.

Tobyrǵa ermeńiz. Olar durys baǵytta júrmeýi múmkin. Árdaıym ózińizdiń damý jolyńyzdy tańdańyz.