2016 jyldyń shildesinen bastap Túrkıada bolǵan tóńkeristen keıin túrmede, qamaýda bolǵan 60-qa jýyq adam búginge deıin anyqtalmaǵan sebeptermen kóz jumdy. Keminde 10 adam urlandy. Qazirgi ýaqytta tergeý ızolátorlarynda 17 myń áıel men 700 bala otyr. Bul týraly Open news portaly habarlady.
Halyqaralyq quqyqqorǵaý uıymdarynyń baıandamalarynda kúdiktilerge qatysty azaptaý faktileri týraly jıi aıtyldy. Jaǵdaıdyń ýshyǵyp ketkenine, ári kúrdeliligine qaramastan bıliktiń soıylyn soǵatyn jýrnalıser Djem Kýchýk pen Fýat Ýgýr munyń jetkiliksiz ekenin aıtty. Olar tergeýden bas tartqandardyń otasyn óltirý kerek degen usynys tastady. Al aıyptylardy oramaldarmen tunshyqtyryp, túbinde óz-ózderine qol jumsady degenge keltirý kerek deıdi.
Bul týraly jýrnalıser TGRT Haber arnasyndaǵy baǵdarlama barysynda málimdedi. Olar prokýrorlardyń «jetkilikti túrde jumys istemeıtinderin» synap, Hızmet qozǵalysyn jaqtaýshylarǵa qatysty qatań jaza qoldanýǵa shaqyrdy. Óz sózinde Kýchýk qandaı sharalar qoldanýǵa bolatyny jaıly oılaný kerektigin aıtty. «17-25 jeltoqsanǵa qatysy polıseıler Reseı men Izraılde turatyn bolsa, olardy ólim kúter edi. Biz ózin-ózi óltirý úshin jasalǵan jappaı qyryp-joıý áreketine kýá bolar edik. Olardy aıaýdyń qajeti joq!» - dedi Djem Kýchýk.
Jýrnalıs tipti Mossad qoldanǵan ondaı tehnıkanyń birinen mysal da keltirdi. «Arnaıy qyzmetkerler ózderine jumys isteýdan bas tartqan palestınalyq otbasylardyń múshelerin bir-birden óltirip otyrǵan», - dedi Kýchýk.
«Ondaı bolsa, neni kútemi?z», - dep áriptesiniń sózin qostady Fýat Ýgýr. Genosıdtik áreketti óziniń de qoldaıtynyn bildirdi.
