Ózbekstan prezıdenti Shavkat Mırzıaev Qyrǵyzstan prezıdenti Sooronbaı Jeenbekovpen kezdesýinde kólik qatynasy týraly kelisimge kelgenin habarlady, dep jazady Qamshy.kz aqparat agenttigi Azattyqqa súıenip jazady. 

Prezıdentter eki el arasynda avtobýs marshrýttary ǵana emes, Bishkek - Tashkent jáne Tashkent - Osh baǵytynda áýe reısterin ashýǵa kelisti. "Suranys óte joǵary. Biz Bishkek - Tashkent baǵytyndaǵy áýe reısteriniń jıiligin eki esege kóbeıtkimiz keledi" dedi Mırzıaev.

Ózbekstan prezıdentiniń habarlaýynsha, temir jol baǵyty jóninde de kelisim jasalynǵan. "Qyrǵyzstanda Ystyqkól deıtin keremet kól bar. Bizdiń azamattarymyz áýe reısteri ashylǵanyn qalaıdy, biraq biz Ystyqkólge deıin temir jol reısterin de ashatyn bolyp kelistik" dedi Shavkat Mırzıaev.

Sooronbaı Jeenbekov Tashkentke 13 jeltoqsanda bardy. Bul - Jeenbekovtiń Qyrǵyzstan prezıdenti qyzmetindegi alǵashqy resmı sapary.