Búgin Almaty qalasynyń Óńirlik komýnıkasıalar qyzmeti alańynda Bostandyq aýdanynyń ákimi Torǵaev Bekqalı Nurǵalıulynyń qatysýmen brıfıń ótti.

Bostandyq aýdanynyń ákimi Bekqalı Nurǵalıulynyń aıtýynsha, mańyzdy maqaladan týyndaıtyn naqty mindetterdi júzege asyrý boıynsha aýdanda birqatar baǵdarlamalar qabyldanyp, olar ret-retimen iske asyrylýda.

«Rýhanı jańǵyrý» baǵdarlamasy aıasynda 10-nan astam jobalar iske asyryldy. Máselen, bıylǵy jyly aýdanymyzda 14 jańa balalar jáne sport alańdary ashyldy. Birqatar kósheler abattandyryldy. Tól mádenıetimizdi dáripteý maqsatynda jastar arasynda «Jas órken» festıvali uıymdastyryldy. Birqatar kóshelerdiń ataýy ózgertildi. Ózderińiz jaqsy biletindeı bizdiń aýdannyń magıstraldy, basty kósheleriniń biri – burynǵy Fýrmanov kóshesine Elimizdiń tuńǵysh Prezıdenti Nursultan Ábishuly Nazarbaevtyń esimi berildi. Bul bizdiń qalamyz úshin, onyń ishinde aýdan turǵyndary úshin zor maqtanysh, úlken abyroı,- dep baıandady Bostandyq aýdanynyń basshysy Bekqalı Nurǵalıuly.