Mundaı tyń aqparatty Almaty qalasynyń Óńirlik komýnıkasıalar qyzmetinde ótken brıfıń barysynda Almaty qalasy Bostandyq aýdanynyń ákimi Bekqalı Nurǵalıuly málimdedi.

2017 jyly monıtorıń jumystaryna sáıkes, jumyssyzdyq deńgeıi 5,3% quraıdy, byltyrǵy kórsetkish 5,3%-ǵa sáıkes.

Jumyspen qamtý ortalyǵynyń resmı málimetine sáıkes, 2017 jyldyń 1 qarashasyndaǵy jaǵdaı boıynsha 3 183 adam jumyssyzdar qatarynda (2016 jyly – 3 151 adam), onyń ishinde 1439 adam jumysqa ornalastyryldy (2016 jyly – 1830 adam), 64 adam áleýmettik jumys oryndaryna (2016 jyly – 135 adam), 118 adam jastar is-tájirbıesine (2016 jyly – 32 adam) joldandy. Qoǵamdyq jumysqa 322 adam jiberilgen bolsa (2016 jyly – 399 adam), 284 adam kásiptik daıyndaý kýrsyna jiberildi (2016 jyly – 155 adam).

Jumyspen qamtý ortalyǵyna jyldyń basynan bastap 928 adam jumyssyz retinde tirkeldi (2016 jyly – 913 adam).

Aǵymdaǵy jyldyń qańtar – qazan aılarynda turmys deńgeıi tómen 738 adamǵa jalpy somasy 4 292 470 teńgeni quraıtyn turǵyn-úı kómegi kórsetildi (2016 jyly – 1006 adam,7 695 041 teńge).

2017 jyldyń qańtar – qazan aılarynda orta aılyq jalaqy 218 176 teńgeni qurady, 2016 jylmen salystyrǵanda 12,4%-ǵa ósken (193 418),-dedi óz sózinde Bostandyq aýdanynyń basshysy Bekqalı Nurǵalıuly.